اسلام آباد (پاکستان پوائنٹ نیوز 15 مئی 2018ء) وزیراعظم شاہدخاقان عباسی پارینے کہ پاکستان غٹ علاقائی ملک آتون دوستانہ تعلقداری استوار کننگ و ڈیہہ ٹی امن کن مدام کوشست کرینے۔ اوداہیت ءِ نیپالی فوج انا چیف آف آرمی اسٹاف جنرل رجیندراچھیتری تون ہیت وگپ کرسا پارے ہراسے شنبے نادے داڑے اوڑتون اوڑدہی کرے۔ وزیر دفاع و خارجہ امور خرم دستگیر و سینئر کمامدارآک ہم داوخت آ ساڑی ئسر۔
اوڑدہی ٹی ہڑتوم آ کنڈآتا تعلقداری تا بابت معاملہ غاتیا خیال آتا درشانی ءِ کننگا۔ وزیراعظم داہیت آ زور شاغاکہ پاکستان مدام غٹ علاقائی ملک آتون دوستانہ تعلقداری استوار کننگ و ڈیہہ ٹی امن نا کوشست کرینے۔ وزیراعظم پارے کہ پاکستان دہشت گردی نا برخلاف جنگ اٹ اقتصادی لحاظ و نہادی جان تا زیان نا بابت بھلو قربانی تسنے۔ وزیراعظم اومیت ظاہر کرے کہ پاکستان و نیپال نا نیام اٹ دفاع نا بشخ اٹی کمکاری تون اوار ہڑتوم آ کنڈآتا تعلقداری ءِ پین سوگوی ملک۔ نیپالی فوج انا سروک نیپال نا وزیراعظم کھگداد پرشاداولی نا کنڈآن وزیراعظم ءِ نیک است خواہی سرکرے۔ اوپاک فوج انا بڑزکو کسبی مہارت آتا ستاءِ کرسا دہشت گردی نا برخلاف جنگ اٹ اوفتا قربانی تے امنا کرے۔
