ایبٹ آباد(پاکستان نیوزپوائنٹ 14 مئی 2018ء) ایبٹ آباد نا دیہی یونین کونسل بیرن گلی ناالس حلقہ این اے 15 آن ڈپٹی اسپیکر قومی اسمبلی مرتضیٰ جاوید عباسی نا پبی مخ تفی نا پڑو کرینو ۔ او مرتضیٰ جاوید عباسی آن بیدس کسءِ ہم امیت وار قبول کننگا انکار کریر۔ ڈپٹی سپیکر مرتضیٰ جاوید عباسی بیرن گلی ٹی 6 کروڑ 25 لاکھ روپئی نا ٹاور تون اوار اسہ کروڑ 17 لاکھ روپئی نا بجلی نا ڈٹ آتا بناءِ کرے وخت اس کہ بیر ن گلی ءِ سوئی گیس نا فراوانی کن ہم 19 کروڑ روپئی نا فنڈ منظور کرینو۔
ڈپٹی سپیکر قومی اسمبلی مرتضیٰ جاوید عباسی اراوخت بیرن گلی نا دورہ غااموڑے سرمس تو علاقہ والا ک او دے بیا بخیر کرے۔ دا وخت آ مسلم لیگ (ن) بیر گلی نا صدر محمد عظیم ، چیئرمین محمد سیلم ، سردار ذوالفقار و ایلو اڈتروک آ دود آ ن تران کرساپارے کہ ڈپٹی سپیکرقومی اسمبلی مرتضیٰ جاوید عباسی حلقہ این اے 15 نا الس نا بے لوث خذمت کرینے۔ بروک آ گیچن کاری تیٹی ننے مرتضیٰ جاوید عباسی آن بیدس ہچ ء ُ امیت وار ئس قبول افک۔
ڈپٹی سپیکر قومی اسمبلی مرتضیٰ جاوید دا وخت آ بیرن گلی ٹی موبائل سگنلز نا ویل آتا ایسری کن شش کروڑ 25 لکھ روپئی نا ٹاورز و اسہ کروڑ 17 لکھ روپئی نا بجلی نا ڈٹ آتا بناء ِ کرے ، او تینا تران آٹی پارے کہ او داالس نا پبی خیر مقدم ءِ کینہ، بیرن گلی ءِ سوئی گیس نا فروانی کن وزیر اعظم آن 19 کروڑ روپئی نا فنڈ منظور کریفین ہراڑان حلقہ نا الس نا محرومی چٹفنگرہ۔(ع ن)
