ڈیرہ مراد جمالی(پاکستان نیوز پوائنٹ 22ستمبر 2016ء) مسلم لیگ ن نا صوبائی اسمبلی نا باسک و مسکوہی صوبائی وزیر میر اظہار حسین کھوسہ پارینے کہ وزیراعظم محمد نواز شریف نیویارک کانفرنس اٹی تینا تران نا تہہ ٹی کشمیری الس نا پبی نمائندگی کرسا بھارت نا کشمیری الس آ جاری بیدادی نا بابت مچ آ دنیا ءِ معلومدار کرینے مسلم لیگ ن ہمیش آن ہی الس نا خذمت ءِ کرینے الیکشن نا وخت آ الس تون کروک آوعدہ غاتا پاسداری ءِ کرسا صوبہ بلوچستان تون اوار مچ آ ملک اٹی میگا پروجیکٹس آتا بناء کننگانے ۔
داخیال آتا درشانی ءِ او صحافی تتون ہیت وگپ کرسا کرے۔ میر اظہار حسین کھوسہ پارے کہ مسلم لیگ (ن) خورک انگا داوا تیا باور کپک بلکن عملی گام گیج آتیا باور کیک ہرانا سوب ملک اٹی بھلو بھلو میگاپروجیکٹس آتا بناء کننگانے ہرافتا پوروی آن ملک اٹی انقلاب و الس ءِ روزگار نا پوسکن ءُ وارخواہی ملنگ کیک سی پیک آن صوبہ ٹی شون نا پوسکن ءُ باب اسے نا بناء مریک اوپارے کہ سابقہ حکمرانک الس کن ہچ اس کتوس و داسامسلم لیگ ن نا حکومت الس کن بھلو کچ اسے آ کاریم کننگ ءِ و ملک ءِ شونہالی نا کنڈآدننگ ءِ تو اپوزیشن جماعت آتا کنڈآن برانز و خورک نعرہ خلسا الس ءِ گمراہ کننگ نا کوشست کننگ انگ ءِ دا خورک نعرہ غاتیان بیدس الس کن کاریم کیر تو الس نا ویل آک گچین وڑاٹ ایسر مننگ کیرہ اوپارے کہ وزیراعلیٰ بلوچستان نواب ثناء اللہ خان زہری صوبہ آن پسماندگی نا چٹفنگ نا بیڑہ ءِ ہلکونے و اونا دا مشن اٹی مچ آ کابینہ و اسمبلی نا باسک آک اوڑتون شانہ بشانہ کاریم کننگ ءُ و پسماندگی نا چٹفنگ کن صوبہ ٹی بھلو بھلو پروجیکٹس بناء کننگانے و الس کن پوسکنا روزگار نا وارخواہی فراوان کننگ انگ ءِ۔
