اسلام آباد (پاکستان نیوزپوائنٹ 24اپریل 2018ء) پاکستان ءُُ ازبکستان ءَ دو نیمگی سیاسی ، اقتصادی ءُُ الس ءِ نیام ءَ یکوئی ءَ را گیش برجم کنگ ءِ سر ءَ تپاک کتگ۔ اے تپاک گوستگیں روچءَ بیجنگ ءَ وزیر ءِ درئی کار خواجہ محمد آصف ءِ شنگھائی کمک گل ءِ کونسل آف فارن منسٹر ءِ دیوان ءِ موہ ءَ ازبکستان ءَ وتی ھمکار کاملوف عبدالعزیز کفیلووچ ءَ گوں گند ءُُ نند ءِ ساھت ءَ منوگر بوت۔
سئے شمبے ءَ درئی کارانی کارگس ءِ جارچین ءِ رد ءَ پاکستان ءُُ ازبکستان ءِ درئی کارانی وزیر ءَ دوئیں ملک آنی نیام ءَ تاریخی یکوئی ءُُ ایشی ءِ جھلانکیں دود ءُُ ربیدگی رابطہ آنی ھوالگ ءَ گپ ءُُ تران کت۔ وزیر ءِ درئی کار خواجہ آصف ءَ پاکستان ء ِ شنگھائی کمکی گل ءِ باسک بوھگ ءِ واستہ ازبکستان ءِ برجائیں کمک ءَ را ساڑات۔ دوئیں وزیر ءِ درئی کار آں وت مہ وتی واھگی کار ھم باست ءُُ واست کت اَنت ءُُ دونیمگی سیاسی، اقتصادی ءُُ الس ءِ نیام ءَ یکوئی ءَ را گیش برجم کنگ ءِ سرءَ تپاک کت۔
