کوئٹہ(پاکستان نیوز پوائنٹ 21ستمبر 2016ء) ڈپٹی میئر کوئٹہ میٹرو کار پوریشن محمدیونس بلوچ ءَ عید قربانی ءِ موہ ءَ شہرءَ آلائش آں ہما وھدءَ ٹھکانہ جنئگ ءُُ صفائی ءِ ھاسیں جاورال ءَ بر قرار دارگ ءَ کار پوریشنءِ عملہ ءَ فعال کرد ءُُ شہری اانی کمک ءِ سرا تسلاءِ درشانی کرتگ انت۔ آئی ءَ یک بیان ءَ گشتگ کہ سر وزیر بلوچستان نواب ثناء اللہ زہری ءِ پنتءُُ شون ءِ سرا کار پوریشن صفائی ءِ ھاسیں مہم سر سوبی ءَ چلگ ءَ انت ءُُ گچین نمائندگ آنی مسلسل سروکی ءِ وجہ ءَ اے شریں آسر گندگ بوھگ ءَ انت۔
آئیءَ گشتگ کہ میٹرو پولیٹن کار پوریشن ءَ وتی مینڈیٹ ءِ ردا شہری آں ھستیں مسئلہ ءِ ھل، تجویز ءِ ھلاسی، ٹریفک ءِ مسئلہ ءِ ھل ءُُ صفائی ءِ نظام ءَ شر جوڑ کنگءِ ھاتر ءَ شپ ءُُ روچ کار کنگ ءَ انت۔ا ٓئی ءَ گشتگ کہ ھستیں سر وزیر بلوچستان نواب ثناء اللہ خان زہری ءِ فعال کمک ءِ وجہ ءَ کار پوریشن ءَ وتی کرد پیش کنگ ءِ شریں موہ رستگ انت ءُُ انشاء اللہ صوبائی حکومت ءِ کمک ءَ ضلوری مالی ءُُ انتظامی وت واجہی ءِ پجارینگءَ پد کار پوریشن ءُُ اُلس ءِ گچین بلدیاتی نمائندگ وتی کرد زیات شریں وڑ ءَ ادا کن انت۔
