پاک چین اقتصادی راہداری ءَ معاشی، اقتصادی ءُُ واپاری دیمروی ءِ نوکیں راہ پچ کنگ ءَ انت، سر وزیر بلوچستان نواب ثناء اللہ خان زہری

پاک چین اقتصادی راہداری ءَ معاشی، اقتصادی ءُُ واپاری دیمروی ءِ نوکیں راہ پچ کنگ ءَ انت، سر وزیر بلوچستان نواب ثناء اللہ خان زہری

کوئٹہ(پاکستان نیوز پوائنٹ 21ستمبر 2016ء) سر وزیر بلوچستان نواب ثناء اللہ خان زہریءَ گشتگ انت کہ پاک چین اقتصادی راہداری ءَ معاشی، اقتصادی ءُُ واپاری دیمروی ءِ نوکیں راہ پچ کنگ ءَ انت۔ درستیں ملک ھاس کن بلوچستان ءِ تاں اُلس راہداری ءِ اثر سر بیت ءُُ ہر شعبہ زند ھاس وڑءَ ٹرانسپورٹ ءِ شعبہ ءَ وابستہ مردم اے شریں منصوبہ ءِ بے پناہ پائدگ سر بیت۔

اے ھیال آنی درشانی آئی ءَ سپریم کورٹ کونسل آف آل پاکستان ٹرانسپورٹ ءِ باسک آنی یک ٹولہ ءِ گوں گپ ءُُ تران کنگ ءَ کرتگ۔ سر وزیر ءَ گشتگ کہ گوادر ءَ راہداری ءَ ہمگرنچ کنگ ءِ ھاتر ءَ ایم ۔ 8ءُُ دومی راجی شاہرگ ءِ جوڑ کنگ ءِ کار تیزی ءَ برجاہ انت۔ خضدار، شہداد کوٹ شاہرگءَ ٹریفک ءِ ھاتر ءَ پچ کرتگ انت، شاہرگ ءِ جوڑ کنگ ءَ اے منصوبہ در حقیقت سی پیک ءِ بنیات انت آئیء َ اے ازم ءِ درشانی کرتگ کہ راہداری ءِ سرجمی ءَ ھچ رکاوٹ برداشت کنگ نہ بیت ءُُ اے منصوبہ ءِ ھلاپ ہر سازشت ءَ نا کار جوڑ کنگ بیت۔

اے موہ ءَ ٹولہ ءِ نیمگ ءَ سر وزیر ءَ خضدار، لاڑ کانہ، میہڑ، شہداد کوٹ سکھر روٹ ءِ ٹرانسپورٹر آں روٹ پرمٹ ءِ برجاہی ءِ ھواری ءَ دومی مسئلہ آں آگاہ کرتگ۔ سر وزیر ءَ یقین داتگ کہ اے مسئلہ آھانی ھل بہ کن انت ءُُ کمشنر قلات ڈویژن ءَ سندھ ءِ ہمگرنچ ضلع ءِ انتظامیہ ءِ گوں رابطہ کنگ ءَ دو نیمگی بنیات ءِ سرا ھستیں مسئلہ ءِ ھل ءِ پنت ءُُ شون کنگ بہبیت ، آئی ءَ اے گپ ءِ یقین ہم داتگ کہ ٹرانسپورٹ ءِ ھواری ءَ دومی شعبہ ءَ سرمایہ کاری ءِ سرجمی دلبڈی کنگ بہ بیت۔