اسلام آباد (پاکستان نیوزپوائنٹ 19اپریل 2018ء) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ محمد نواز شریف وھد ءَ سروکی ءَ اتکگ پاکستان ءَ جوڑیشتی ءُُ دیمروئی ءِ نوکیں ریکاٹ ءِ بنائینتگ۔ پاکستان ءِ ایٹمی پروگرام، اولی موٹروے، پاک چین اقتصادی راہداری (سی پیک) ، 11ہزار میگاواٹ توان ءِ پیداوار ءَ ھوار السی وشھالی ءِ ھمک منصوبگ ءِ سرءَ محمد نواز شریف ءِ نام نبشتہ اِنت، اے وھد ءَ چترال ءَ ھوار ھمک آ جاھ ءَ توان ءِ لوڈ شیڈنگ زیرو بیت آھودا توان ءِ دُزی نہ بیت ءُُ توان کارمرد کنوک آنی توان بل دیگ ءَ انت، محمد نواز شریف ءَ 2013ءَ پارٹی منشور ءَ ھما کہ سوگند کتگ انت آ سرجم کتگ ءُُ پیش داشتگ اَنت نوں محمو نواز شریف ءَ ووٹ ءَ را شرپ دیگ ءِ زانت کاری بُرز ءُُ بالا کتگ ءُُ پیش داشتگ، الس ووٹ ءِ شرپ ءِ رد ءَ محمد نواز شریف ءِ گوما ھمگامی ءَ اوشتاتگ اَنت دُرستیں سیاسی پارٹی مئے ھلاپ ءَ یکجاھ انت بلے ھر کسی کہ نیت ساپ اِنت اللہ پاک ءِ فضل ءُُ کرم ءَ چہ آئی ءَ را کس تاوان دات نہ کنت، پاکستان مسلم لیگ ن ءِ سروکی ءِ وھد ء َ مدام ڈنی سرمایہ کاری گیش بوتگ، زوراکیں سروک آنی دور ءُُ باریگ ءَ ڈنی سرمایہ کاری نہ بوتگ، پیپلز پارٹی ءِ دور ءَ زرداری حکومت ءِ دست دمی مردم آنی جیب ءَ بوتگ اَنت۔
آ چار شمبے ءِ روچ ءَ شپ ءَ بے نظیر بھٹو انٹر نیشنل ائیر پورٹ ائیر لیگ ءِ مچی ءَ گوں گشتانک دیان ات۔ وزیر ءِ مملکت مریم اورنگزیب ءَ گوشت کہ راجدپتر گواہ اِنت کہ پاکستان ءَ وھد ءِ محمد نواز شریف ءِ سروکی اتکگ گڈا آئی لسی وھشالی ءُُ ملکی دیمروئی ءِ نوکیں دور بندات بوتگ ھمودا ڈنی سرمایہ کاری ھم وتی بُرز یں تک ءَ سر بوتگ، سرجمیں دُگنیا ءَ محمد نواز شریف ءِ سر ءَ دل یکیم آں، زوراکیں سروک آنی دور ءُُ باریگ ءَ ڈنی سرمایہ کاری نہ بوتگ، پیپلز پارٹی ءِ دور ءَ زرداری حکومت ءِ دست دمی مردم آنی جیب ءَ بوتگ اَنت اے زمانگ ءَ ھم ڈنی سرمایہ کاری الس ءِ دیم ءَ انت۔
آئی ءَ گوشت کہ فاطمہ جناح مدام قائداعظم ءِ گوما بوتگ اَنت ، مارا ھم زالبول آناں آوانی شرپ دیگی اِنت آ ملک دیمروئی کت نہ کنت آھودا زالبول آنی کرد مہ بیت۔
