مزن وزیر ءِ مشیر برائے خارجہ امور سرتاج عزیز ءِ او آئی سی کمیٹی برائے فلسطین ءِ دیوان ءَ تران

مزن وزیر ءِ مشیر برائے خارجہ امور سرتاج عزیز ءِ او آئی سی کمیٹی برائے فلسطین ءِ دیوان ءَ تران

اقوام متحدہ(پاکستان نیوز پوائنٹ 20ستمبر 2016ء) مزن وزیر محمد نواز شریف ءِ مشیر برائے امور خارجہ سرتا ج عزیز ءَ فلسطین ءِ اُلس ءِ گوں یکجہتی ءِ درشانی کنگءَ گشتگ انت کہ اسرائیل ءَ فلسطینی آنی بنیاتی حق غصب کرتگ انت، اقوام متحدہ ءِ جنرلا سمبلی ءِ دیوان ءِ موہ ءَ او آئی سی کمیٹی برائے فلسطین ءِ سالانہ دیوان ءَ تران کنگ ءَ مشیر خارجہ ءَ گشتگ کہ اسرائیل ءِ نیمگ ءَ یہودی بستی آں غیر قانودی دراجی برجاہ انت ءُُ معصوم فلسطین آں ھرابیں وڑ ءَ شہید کنگ ءَ انت ءُُ لکھ آنی آباتی ءِ شہر غزہ ءِ محاصرہ بازیں سال ءَ برجاہ انت۔

آئی ءَ گشتگ کہ میاں استمانی برات آں مظلوم فلسطین ءِ گوں یکجہتی ءِ درشانی کنگ لوٹ انت ءُُ آھانی مسئلہ ءِ سرا سرجمی ءَ دیان دئیگ لوٹیت۔ آئیء َ گشتگ کہ فلسطین آنی 1967ءَ دیما جغرافیائی ھد ءِ ردا وتی آزات ریاست بوھگ لوٹیت آئی ءِ دارالحکومت القدس بیت۔ سرتاج عزیز ءَ او آئی سی ءِ سیکرٹری جنرل ءِ پاگواجہی دیوان ءَ پاکستانی ٹولہ ءِ سروکی کنگ ءَ مسئلہ فلسطین سرجمیں وڑ ءَ زرتگ۔

دیوان ءَ فلسطین، ملائیشیا ءُُ سینیگال ءِ وزیر خارجہ ہم ھوار ات انت۔ ایشی ءَ ابید مصر، اردن ءُُ ترکی ءِ نمائندگ ہم بہر زرت انت، دیوان ءَ میاں استمانی برات آنی سرا زور دات انتکہ آ اسرائیل ءِ نیام ءَ میاں استمانی قانود ءِ ردا وتی عہد ءِ سرا عمل کنگ ءِ ھاتر ءَ زور مان کنگ ءُُ مشرق وسطیٰ ءَ پائیدار امن ءُُ محکمی ءِ ھاتر ءَ وتی ذمہ واری پورا بہ کنت۔