اسلام آباد(پاکستان نیوز پوائنٹ 20ستمبر 2016ء) بری فوج ءِ سروک جنرل راحیل شریف ءَ ترکش بری فوج ءِ کمانڈر جنرل صالح ذکی ءَ گند ءُُ نند کرتگ۔ پاک فوج ءِ شعبہ تعلقات عامہ ( آئی ایس پی آر) ءِ ردا سے شمبے ءَ آرمی چیف جنرل راحیل شریف ءِ ترکش بری فوج ءِ کمانڈر جنرل صالح ذکی ءِ گوں بوؤکیں گندءُُ نند ءَ یکجا دلچسپی ءِ ھواری ءَ دفاعی ءُُ سیکورٹی کمک، پیشہ وارانہ ھیل کاری ءُُ دمگی کمک ءِ سرا پکر کرت انت۔
مہمان شخصیت ءَ ج ءِ آپریشنل ءُُ ھیل کاری ءِ سر ا سرجمی ءَ بریفنگ داتگ ۔ ترکش بری فوج ءِ سروک جنرل صالح ذکی ءَ نا شرکاری ءِ ھلاپ پاک فوج ءِ قربانی ءُُ کوشست آں سہڑائینتگ ۔ ترکش بری فوج ءِ کمانڈر جنرل صالح ذکی جی ایچ کیو تر ءُُ تاب ءِ وھد ءَ سر بوتگ گڑا پاک فوج ءِ چاک ءُُ چو بند دستہ ءَ مہمان شخصیت ءَ سلامی پیش کرتگ۔ آئی ءَ پد آئی ءَ شہید آن یات گار ءِ سرا حاضری داتگ۔ ترکی ءِ دفاعی ٹولہ کہ آ پاکستان ءِ سرکاری تر ءُُ تاب ءِ سرا انت ءَ سلاہ بندیں ارد ءِ ھیل کاری جاہ ءِ ھواری ءَ ساڑی ءَ چہ تیار بوؤکیں سٹیٹ دی آرٹ نیشنل کاؤنٹرٹیررزم سینٹر پبی ءِ ہم تر ءُُ تاب کنگی انت۔
