اسلام آباد (پاکستان نیوزپوائنٹ 16اپریل 2018ء) مزن وزیر ءِ ھاسیں مشیر برائے ھزانگ ، ریونیو ءُُ اقتصادی کار ڈویژن ڈاکٹر مفتاح اسماعیل ءَ گوشت کہ حکومت ءِ گوستگیں چار سال ءُُ نیم ءِ کار ءُُ کرد شمے دیم ءَ انت۔ حکومت ءَ راجی معشیت ءِ دیمروئی ءِ واستہ بازیں شوبگ آنی تہ ءَ ساپ ءُُ پلگاری سہرا کتگ ایشانی نتیجگ دیم ءَ سہرا انت۔ دو شمبے ءَ ادا سرمایہ کاری بورڈ ءُُ پاکستان آبزرور ءِ چیر دستی ءَ ”پاکستان سرمایہ کاری ءِ واستہ جنت“ ءِ بُن گپ ءِ سرءَ دومی گول میز کانفرنس ءَ گوں گشتانک دیان ءَ آئی ءَ گوشت کہ پاکستان ءِ نیم آباتی ءِ امبر 25سال ءَ چہ کم اِنت وھدیکہ 45درسد آباتی 15سال ءَ چہ کم اُمبر ایگ اِنت۔
پاکستان نیامی تبک ءِ مردم آنی کساس 100ملین اِنت ءُُ اے نیامی تبک ءِ مردم آنی ھوالگ ءَ دُگنیا ءِ پنچمی مستریں ملک اِنت آئی ءَ گوشت کہ پاکستان یک ٹوھیں منڈی اِنت ھمے سبب اِنت کہ میاں اوستمانی کمپنی ادا سرمایہ کاری ءِ نیمگ ءَ دلگوشی دیگ ءَ اَنت۔ آئی ءَ گوشت کہ ایمنی ءِ جاور ھال آنی گہتری ءَ چہ پاکستان ءَ کتگیں یک شل ءَ سرمایہ کاری گیش دیم ءَ جنز ایت ۔
