اسلام آباد (پاکستان نیوزپوائنٹ 16اپریل 2018ء) صدر مملکت ممنون حسینءَ گوشت کہ استیں ٹیکس ایمنسٹی سکیم ءَ چہ منی لانڈرنگ ءِ گر ءُُ دار ءَ کمک رس ایت ءُُ ملک ءِ گہتریں نپ ءُُ سیت ءَ در ملکی مڈی آناں واپس ملک ءِ اندر ءَ آرگ بیت کنت۔ دو شمبے ءَ ڈائریکٹوریٹ جنرل آف امیگریشن اینڈ پاسپورٹس ءِ تر ءُُ تاب ءِ ساھت ءَ اھوالکاراں گوں گپ ءُُ تران کنان ءَ صدر ءِ مملکت ءَ گوشت کہ ملائیشیا ءُُ انڈونیشیا ءَ ھمے رنگ ءِ ایمنسٹی سکیمیں کامیات بوتگ اَنت ۔
آئی ءَ امیت سہرا کت کہ در ملک ءَ پاکستانی آنی نیمگ ءَ چہ جم کتگیں توامیں دولت گیر کانودی رپک ءَ چہ در جتگ اَنت۔ آئی ءَ گوشت کہ گیشتریں میراث پاکستانی آنی ازمت آنی نتیجگ انت ءُُ دُرستاناں نشانگ بندگ شر نہ انت۔ ریاستی ادارگ آنی وت مہ وت کشاں چیل ءِ ھوالگ ءَ جُست ءِ پسو ءَ صدر ءِ مملکت ءَ گوشت کہ ھمک ادارگ ءَ را وتی کار رپکی سیم سر آنی تہ ءَ بوھگ ءُُ کار کنگی اِنت تانکہ ھما رنگیں جاور آں چہ بچگ بہ بیت آ کہ ملک ءِ واستہ تاوان ایگ اَنت۔
