بری فوج انا سروک جنرل راحیل شریف تون ترکش بری فوج انا کمانڈر جنرل صالح ذکی نا اوڑدہی

بری فوج انا سروک جنرل راحیل شریف تون ترکش بری فوج انا کمانڈر جنرل صالح ذکی نا اوڑدہی

اسلام آباد(پاکستان نیوز پوائنٹ 20ستمبر 2016ء) بری فوج انا سروک جنرل راحیل شریف تون ترکش بری فوج انا کمانڈر جنرل صالح ذکی اوڑدہی کرے۔ پاک فوج انا شعبہ تعلقات عامہ (آئی ایس پی آر) نا رداٹ سے شنبے آ آرمی چیف جنرل راحیل شریف نا ترکش بری فوج انا کمانڈر جنرل صالح ذکی تون مروک آ اوڑدہی ٹی تین پہ تینی است خواہی نا معاملہ بشمول دفاعی و سیکورٹی کمکاری، کسبی تربیت و علاقائی کمک نا معاملہ غاتیا غور کننگا۔

مہمان شخصیت ءِ پاک فوج انا آپریشنل و تربیت نا معاملہ غاتیا سرجمی اٹ بریفنگ تننگا۔ ترکش بری فوج انا سروک جنرل صالح ذکی دہشت گردی نا برخلاف پاک فوج انا قربانی و سرسہبی تا ستاءِ کرے ۔ ترکش بری فوج انا کمانڈر جنرل صالح ذکی جی ایچ کیو دورہ غا سرمس تو پاک فوج انا چاک و چوبند دستہ مہمان شخصیت ءِ سلامی پیش کرے۔ اوکان گڈ اوشہید آتا یات گار آ حاضری تس۔ ترکی نا دفاعی ڈل ہراکہ پاکستان نا سرکاری دورہ غاٹی ءُ سلہہ بند فوج انا تربیتی مراکز بشمول ساڑی ہی ٹی تیار مروک آ سٹیٹ آف دی آرٹ نیشنل کاؤنٹر ٹیررزم سینٹر پبی نا ہم دور ءِ کروئی ءِ۔