اسلام آباد(پاکستان نیوزپوائنٹ 14اپریل 2018ء) مزن وزیر پاکستان شاہد خاقان عباسی مرچی جلال پورپیروالااچ شری سیکشن ءِ بنگیج ءَ کنت اِنت۔ 45کلومیٹر دراج بُریں اے سڑک ملتان۔ شجاع آباد۔جلال پورپیروالااچ شریف۔ ترنڈہ محمد پناہ سڑک ءِ بھر اِت۔ زرّباری پنجاپ ءَ استیں اے سڑک ءِ اپ گریڈیشن ءُُ جوڑیشت ءَ چہ راجی دگ N-5ءِ سرءَ ٹریفک ءِ رشی ءِ تہ ءَ کمی کئیت۔
منصوبگ ءِ سرجمی ءَ چہ روگ ءُ آیگ ءِ ترندیں آسراتی ریست۔ ایشی ءَ چہ معاشی چست ءُُ ایر آنی تہ ءَ گیشی بیت ءُُ سپری وھد ءُُ پاس آنی تہ ءَ کمی کئیت۔ منصوبگ ءِ بدولت ءَ روزگات ءِ موہ دیم ءَ آیگ ءِ سبب ءَ دمگ ءِ بزگری ءِ تہ ءَ کمی کئیت ءُُ اے دمگ ءِ کشت ءُُ کشاری توم مزنیں منڈی ءَ برگ ءِ تہ ءَ آسانی بیت۔ زرّباری پنجاپ ءِ دمگ ملک ءِ گوریچانی، روبرکتی ءُُ زرّباری دمگ آنی واستہ الکاپیں بستار ءِ دار ایت۔ وتی جتائیں گوناپ ءُُ لوکیشن ءَ ابید اے دمگ کشت ءُُ کشاری بستار ءَ پُکی ”کپاس“ ءِ ارزشتی ایں بُنجاھ اِت۔
