اسلام آباد(پاکستان نیوز پوائنٹ 20ستمبر 2016ء) سی پیک ڈٹ دنیا ٹی جاری غٹ آن بھلا شونداری ڈٹ ءِ، 46ارب ڈالر مالیت نا پاک چین اقتصادی راہداری ڈٹ پاکستان ءِ ترند رفتار اقتصادی شون نا کسر آ دیک، سریس، کشادہ و رکھوک سڑک، توانائی نا ڈٹ، انڈسٹریل پارکس و گوادر بندرگاہ نا ڈٹ، ہرانا پوروی دہشت گردی نا برخلاف جنگ آن زہمی پاکستان کن روشن آخبت نا روشنائی ءِ۔
کمامدارآک اے پی پی ءِ پاریر کہ اینخو سال نا ایسر اسکان پاک چین اقتصادی راہداری آن ملک انا غٹ صوبہ غاتے اسہ وڑ فائدہ ملنگ نا بناء مریک، سی پیک نا چنکو وختی ڈٹ 2017، و 2018ء وخت اس کہ سریس وختی ڈٹ 2020ء آن 2030 ء اسکان پورو مریک۔ اوپارے کہ تکمیلی مرحلہ نا وخت آ ہی سڑک و بجلی نا ڈٹ آتا فائدہ الس ءِ ملک،کراچی نا بن قاسم پاور پلانٹ بروک آ سال انا ایسر اسکان بجلی نا پیداوار نا بناءِ کیک، کولاآن چلینگوک آ 660 میگاواٹ نا 2پاور پلانٹس آتا جوڑ جاڑ آن دوئی مروک آ1320 میگاواٹ بجلی نظام اٹی بننگ و شارٹ فال اسہ تہائی اس کم مریک۔
اوپارے کہ قراقرم ہائی وے ءِ گچین جوڑ کننگ تون ایم فور نیشنل موٹروے آ ہم چینی انجینئر ز دے و نن کاریم اٹ اختہ ءُ، ریل ویز و لائٹ ریلز انا اپ گریڈیشن ہم ہندا ڈٹ انا بشخ ءِ ۔ اوپارے کہ ڈٹ انا محور وگوادر ، ہراڑے سی پیک ڈٹ بحیرہ ہند اتون ملک، ہنداکان غٹ وسیلہ غاک پاکستان نا بنجاو دیکی چین آ کارہ، وخت اس کہ پاکستان و چین اٹی تیار مروک آ مال مچ آ دنیا ٹی گدریفنگرہ۔ گوادراٹی فری ٹریڈ زون ، اسپیشل اکنامک زون، کوسٹل ہائی وے ہم پوروی نا مرحلہ غاتیٹی ءِ ، گوادر انٹرنیشنل بالی پٹ آ ہم ہندا سال کاریم نا بناء مریک۔
