بنجائی وزیر مذہبی امور سردار محمد یوسف، مفتی اعظم شوقی ابراہیم عبدالکریم و ایلوفتا جہانی کانفرنس آن تران

بنجائی وزیر مذہبی امور سردار محمد یوسف، مفتی اعظم شوقی ابراہیم عبدالکریم و ایلوفتا جہانی کانفرنس آن تران

اسلام آباد(پاکستان نیوزپوائنٹ 23مارچ2018ء) بنجائی وزیر مذہبی امو رو بین المذاہب ہم آہنگی سردار محمد یوسف پارینے کہ پاکستان نا کلہو دراصل اسلام نا کلہو ءِ، ادارہ تحقیقاتی اسلامی بین الاقوامی یونیورسٹی دا امنائی اٹ قومی بیان نا شینک کننگ اٹ ستاکڑزوک کڑد ادا کرے، دا کلہو ءِ مچ آ دنیا ٹی لس کننگ نا گرج ءِ تانکہ دنیا ءِ پاننگے کہ دہشت گردی نا اسلام تون ہچ ءُ تعلق اس اف ۔

داخیال آتا درشانی ءِ او یوم پاکستان نا وخت آ جہانی اسلامی یونیورسٹی نا ادارہ جاست وپاست اسلامی نا کنڈآن اڈ ہلوک آ جہانی کانفرنس آن بطور مہمان خاص تران کرسا کرے۔ ہرانا بست و بند ءِ جہانی شرفمند مہمان تے پاکستان نا کلہو آن معلومدار کروئی ئس۔ کانفرنس نا کماشی ءِ مصر انا مفتی اعظم شوقی ابراہیم عبدالکریم کریکہ۔ بنجائی وزیر پارے کہ جتا مکاتب فکر آن تعلق تخوک آ 1800 آن زیات عالم دین دا اعلامیہ غا دستخط کرینو تانکہ دنیا ءِ ہرا اسلام مخالف پروپیگنڈہ ٹی اختہ مسنو ، ءِ پاننگ مرے۔

پاکستان نا کلہو ہی ننا امنائی بیانیہ ءِ ہرا ہروڑنا دہشت گردی، عسکریت پسندی، تکفیریت نا نفی ءِ کیک۔ اوپارے کہ ہندا ننا قومی بیانیہ امنائی اسلامی بیانیہ ءِ ہرا 1400 سال مست اللہ و اونا رسول حضرت محمد ﷺ نا کمک اٹ مچ آ دنیا ٹی تالان مس۔ اوپارے کہ امام کعبہ ہم پاکستان نا کلہو نا بیانیہ ءِ پک کرے و امنائی بیانیہ ءِ اسہ بھلو سرسہبی اس گوندانے۔ اومفتی اعظم مصر انا ہم منت واری ءِ ہرفے ہرا پاکستان نا کلہو ءِ ربی زبان اٹ شینک کرسا مصر اٹی لس کننگ نا باوری ترفینے۔