جعفرآباد (پاکستان نیوزپوائنٹ 23مارچ2018ء) مسکوہی وزیر اعظم پاکستان الحاج میر ظفراللہ خان جمالی یوم پاکستان نا موقع غا اسہ کلہو اسٹی پارنے کہ 23 مارچ نا دے ننا قومی تاریخ اٹی بھلو اہمت ئس تخک انتہ کہ ہندادے لاہور ٹی تاریخی قرار دار پاکستان منظور کننگاسس۔ و برصغیر نا مسلمان آک قائد اعظم محمد علی جناح نا کماشی ٹی تینا اسہ جتا ؤ وطن نا حصول کن جدوجہد نا آغاز ءِ کریر ئس و ہفت سال نا خواری و قربانیک و بے مٹ ءُ جہد آن پد تینا اسہ آجو و خود مختار وطن پاکستان دوئی کننگ ٹی سر سہب مسر۔
او پارے کہ اینو نا دے دا عہد نا تجدید کروئی مریک کہ نن سیوت ءِ قائم تخسہ قومی یکجہتی ملکی سالمیت و تعمیر و شونداری کن اسیجا کاریم کین و دا مسخت کن ہر قسم آنا قربانی تیکن تیار سلن۔ او دا وخت آ مچ آ اہل وطن ءِ است نا حب آٹ مبارک بادی تس و وطن عزیز نا سلامتی کن دعاکریے۔
