اسلام آباد(پاکستان نیوزپوائنٹ 22مارچ2018ء) سری لنکا نا صدر میتھری پالاسری سینا مسہ دے ئی سرکاری درہ غا پنچ شنبے نادے اسلام آباد آ سرمس۔ تینا ڈل اتون اوار نورخان ایئر بیس آ بننگ آ سری لنکا نا صدر ءِ اکیس توپ آتا سلامی تننگا۔ صدر مملکت ممنون حسین تینا سری لنکن ہم منصب ءِ بخیر کرے وخت اس کہ روایتی پچ بینوک چناک شرفمند آ مہمان ءِ پھل آتا دستہ اس پیش کریر۔
پاکستان اٹی اڈ کننگ نا وخت آ سری لنکا نا صدر یوم پاکستان نا وخت آ پریڈ اٹی مہمان اعزاز مریک۔ دفترخارجہ نا رداٹ سری لنکا نا صدر نا پریڈ اٹی شرکت پاکستان و سری لنکا نا نیام اٹ خڑکی تعلقداری و پاکستانی سرکڑدہ و الس نا سری لنکا نا صدر کن شرف نا عکاس ءِ۔میتھری پالا تینا پاکستانی ہم منصب ممنون حسین و وزیراعظم شاہد خاقان عباسی تون اوڑدہی ٹی تین پہ تینی است خواہی نا معاملہ غاتیا خیال آتا درشانی ءِ کیرہ۔
