بروک آ 24گھنٹہ ٹی اسلام آباد، تون اوار بڑزکو و سویلی پنجاپ، قطب دے ٹکی بلوچستان اٹی کوئٹہ، ژوب ، قلات ، سبی ڈویژن اٹی جاگہ جاگہ وخت اس کہ خیبر پختونخوا ، فاٹا و کشمیر اٹی گڑاس ہند آتیا ہورہ و گروک تون پِر انا گمان ءِ ، محکمہ موسمیات

اسلام آباد(پاکستان نیوزپوائنٹ 20مارچ2018ء) محکمہ موسمیات نا رداٹ 24گھنٹہ ٹی اسلام آباد تون اوار بڑزکو و سویلی پنجاپ اٹی جاگہ جاگہ ، قطب دے ٹکی بلوچستان اٹی کوئٹہ، ژوب ، قلات، سبی ڈویژن، خیبر پختونخواہ ، فاٹا و کشمیر اٹی گڑاس ہند آتیا ہورہ و گروک ، ترند تہو تون پِر انا گمان ءِ۔ داٹی پنجاپ و خیبر پختونخواہ نا میدانی علاقہ غاتے ٹی ترند تہو تا چلینگ انگ نا ہم گمان ءِ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتے ٹی پِر کتنے ولے پشاور، کوہاٹ، بنوں ، کوئٹہ، بہاولپور ڈویژن و بڑزکو فاٹا ٹی گڑاس ہند آتیا ہورہ و گروک تون پِر مس۔ غٹ آن زیات پِر پاراچنار اٹی 30، بنوں 06، کوہاٹ 02، پشاور 02، زیارت 04 و بہاولپور اٹی اسہ ملی میٹر ریکارڈ کننگا۔