اسلام آباد (پاکستان نیوزپوائنٹ 19مارچ2018ء) وزیر مملکت برائے توانائی عابد شیر علی پارنے کہ پاکستان مسلم لیگ (ن) آن وونٹ پولنگ نا سازش ءِ کننگا، داڑان بھلا دھاندلی پین انت مروئے۔ پارلیمنٹ مچ آ آئینی ادارہ غاتے رکھ فراوان کرینے۔ شمبے ءَ پارلیمنٹ ہاؤس آن پیشن میڈیا تون ہیت و گپ کرساکرے ،وزیر مملکت پاریے کہ مدم ٹھر ڈ ایمپائر نا کنڈان ہننگ دا سسٹم ءِ ڈی ریل کننگو، نواز شریف نا محبت ہراالس اٹی ایراودے کسس کم کننگ کپک۔
دانا ورندی ءِ الس 2018 ء نا گچین کاری تیٹی اتیرہ،۔صوبہ بلوچستان ٹی مسلم لیگ (ن) نا حکومت ءِ بدل کریر، اینو سینٹ نا گچین کاری کو جمہوریت دشمن آتے کن بھلو فیصلہ کیک۔ اسہ سوج ئس نا ورندی ٹی او پارے کہ آجو امیت وار اک سہر سہب مریسہ مسلم لیگ (ن) تون اوار مریہ۔او پارے کہ بلوچستان ٹی ڈوہی خوری نا پیسہ خلسہ ضمیر آکے خلکونو ، او پارے کہ نواز شریف بلوچستان ٹی عبدالمالک ءِ وزیر اعلیٰ جوڑکرسا تاریخ ئس رقم کرینے۔ کے پی ٹی مولانا فضل الرحمن تون ملیسہ حکومت جوڑ کننگ کریکہ مگہ نن مینڈیٹ نا احترام ءِ کرین، نوازشریف ہارس ٹریڈنگ ءِ جوان سمجھ پک،عابد شیر علی پارے کہ چوہدری نثار مسلم لیگ (ن) نا سینئر سروک ءِ او نا پارٹی نا متکونو سنگت ئس ءِ ۔ خلاف مرے تو نن اودے منیفنءِ۔(ع ن)
