ایم کیو ایم نا شیخ صلاح الدین نا تینا پارٹی نا قومی اسمبلی نا باسک آتے ایف آئی اے نا کنڈآن بٹنگ انگ نا معاملہ غا ایوان آن واک آؤٹ

اسلام آباد(پاکستان نیوزپوائنٹ 14مارچ2018ء) ایم کیو ایم نا باسک قومی اسمبلی شیخ صلاح الدین متحدہ نا ایم این ایز آتے ایف آئی اے نا کنڈآن بٹنگ انگ نا معاملہ غا ایوان آن واک آؤٹ کرے۔ چارشنبے نادے قومی اسمبلی نا دیوان اٹی اعتراضی ٹک آ شیخ صلاح الدین پارے کہ ایف آئی اے ننا ہشت آن دہ ایم این اے ءِ بٹنگا و پاننگ انگ ءِ کہ منی لانڈرنگ نا بابت اسہ معاملہ اسے نا جاست وپاست مننگ ءِ۔ ننا تعلق مڈل کلاس اسے آن ءِ و غٹ گڑاک قوم انا مون آٹی ءُ ۔ ننے بدنام و ہراساں کننگ انگ ءِ۔ ننا استحقاق مجروح مسنے ، ہنداخاطرآن نن دامعاملہ غا نن احتجاجاََ واک آؤٹ کینہ۔