پورٹس اینڈ شپنگ ڈویژن نا شونداری کاریم تے کن 94 کروڑ 30 لکھ روپئی جاری

اسلام آباد(پاکستان نیوزپوائنٹ 13مارچ2018ء) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی پورٹس اینڈ شپنگ ڈویژن نا شونداری کاریم تے کن 94 کروڑ 30 لکھ روپئی آن زیات نا فنڈ جاری کرینے۔ حکومت دا ڈویژن نا شونداری کاریم تے کن اینخو مالی سال اٹی 12 ارب 77 کروڑ روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت ملہ بندایریا ٹی شونداری کاریم تے کن 50 کروڑروپئی ، سی پیک نا رداٹ ایسٹ بے ایکسپریس وے اکن 18 کروڑ روپئی ، سی پیک نا رداٹ فزیبلٹی رپورٹ و دیر انا ڈٹ آتے کن 3 کروڑ 60 لکھ روپئی ، جی پی اے ہاؤسنگ کمپلیکس نا اپ گریڈیشن کن 7 کروڑ 62لکھ روپئی تون اوار چندی شونداری ڈٹ آتے کن فنڈ جاری کرینے ۔