اسلام آباد(پاکستان نیوز پوائنٹ 09ستمبر 2016ء) قومی اسمبلی ءِ پاننگانے کہ مارچ 2013ء آن 31جولائی 2016ء نا وخت آ اخبارات، رسالہ و جرائد آتے ہفت ارب 28 کروڑ 80لکھ روپئی وخت اس کہ الیکٹرانک میڈیا ءِ اِرا ارب 77 کروڑ 50لکھ روپئی نا سرکاری اشتہارتننگانے۔ جمعہ آ قومی اسمبلی ٹی وقفہ سوج آتا وخت آ صاحبزادہ طارق اللہ نا سوج انا ورندی ٹی وزارت اطلاعات و نشریات نا کنڈآن پاننگاکہ علاقائی اخبار آتے کن اشتہارآتیٹی 25درسد کوٹہ جتا ءِ، مارچ 2013ء آن 31جولائی 2016ء نا وخت آ اخبار، رسالہ و جرائد آتے ہفت ارب 28 کروڑ 80لکھ روپئی وخت اس کہ داوخت آ الیکٹرانک میڈیا ءِ اِرا ارب 77 کروڑ 50لکھ روپئی نا سرکاری اشتہار تننگانے۔
عبدالرشید گوڈیل نا سوج انا ورندی ٹی پاننگاکہ ہراہرا وزارت اشتہار تسنے اوفتا ریکارڈ ءِ لائبریری ٹی تخنگانے۔ اوپارے کہ سنٹرل میڈیا لسٹ آ ساڑی اخبارات و میڈیا ءِ ہی اشتہار تننگک ہرافتا باضابطہ آڈٹ ءِ کرفنگک۔ فرحانہ قمر نا سوج انا ورندی ٹی مریم اورنگزیب پارے کہ صحافی تا سلامتی و رکھ اکن صحافی تے تربیت تننگ انگ ءِ۔
