ملک انا دیرپا شونہالی کن پائیدار شونداری ہدف آتا دوئی کننگ المی ءِ وزیراعظم محمد نواز شریف نا بنجائی کابینہ نا دیوان آن تران

ملک انا دیرپا شونہالی کن پائیدار شونداری ہدف آتا دوئی کننگ المی ءِ وزیراعظم محمد نواز شریف نا بنجائی کابینہ نا دیوان آن تران

اسلام آباد(پاکستان نیوز پوائنٹ 09ستمبر 2016ء) وزیراعظم محمدنواز شریف پارینے کہ ملک انا دیرپا شونہالی کن پائیدار شونداری ہدف(ایس ڈی جیز) آتا دوئی کننگ المی ءِ۔ اوداہیت ءِ جمعہ آ وزیراعظم آفس اٹی بنجائی کابینہ نا دیوان نا کماشی ءِ کرسا وزیراعظم نا جہانی حصول ایس ڈی جیز پروگرام نا بارواٹی ہیت وگپ کرسا پارے۔ نواز شریف پارے کہ پاکستان دنیا نا اولیکو ملک ءِ ہراقومی شونداری ایجنڈہ نا بشخ انا وڑاٹ پارلیمنٹ آن ایس ڈی جیز نا منظوری ءِ ہلکونے۔

اوپارے کہ دا پروگرام نا رداٹ کم شون ہلوک علاقہ غاتیا خصوصی توجوہ ترسا بنداوی وڑاٹ جان جوڑی و تعلیم نا بشخ آتیٹی ملک انا غٹ علاقہ و خلقت آتے اسہ وڑنا وارخواہی فراوان کننگک۔ اوپارے کہ ایس ڈی جیز آ گچین عملدرآمد کن ہندی آبادی تے پورو وڑاٹ شریک عمل کروئی مرے۔