اسلام آباد (پاکستان نیوزپوائنٹ 28 فروری2018ء) پاک بحریہ ءِ جہازپی این ایس شمشیرءِ پچیں زرّ ءَ ایرانی ماھیگ کشیں لانچ ءِ مردم آناں طبی کمک ءِ پُجاری کت۔ پچیں زرّ ءَ میری ٹائم آپریشنز ءِ سہرا کنگ ءِ ساھت ءَ پی این ایس شمشیر ءَ ایرانی ماھیگ کُشیں لانچ بُرواری ءِ ایمرجنسی کال ءِ پد ءَ زوت زوت ءَ کمک پُجارینت۔ ایرانی لانچ ءِ سرءَ دُرستی مردم 17سوار اَت، ایشی ءِ ماسٹر ءَ لانچ ءِ تہ ءَ استیں نادُراھیں کارندہ آنی کمک ءِ دزبندی کت۔
آئی ءِ دوئیں پادگ سُتکگ اتنت۔ پی این ایس شمشیر ءِ میڈیکل ٹیمب ءَ لانچ ءِ مردم آناں ضلوری طبی کمک ءِ گوما ھوار دوا ءُُ درمان ءُُ ورگی ساپیں آپ ھم پُجارینت۔ آیوکیں باندات ءَ کجام ھم بیمی ساھت ءَ گوں گر ءُُ دار بوھگ ءِ ھاترا پی این ایس شمشیر ءِ میڈیکل ٹیمب ءَ لانچ ءِ ماسٹر ءِ دیم ءَ طبی کمک ءِ کار رپک کت ءُُ پیش داشت۔ ایرانی ماھیگ کشیں لانچ ءِ مردم آں کمکی آپریشن کنگ ءِ پد ءَ پاک بحریہ ءِ شگر ءُُ منت گپت۔
