لورالائی(پاکستان نیوز پوائنٹ 08ستمبر 2016ء) سر وزیر بلوچستان نواب ثناء اللہ خان زہری ءَ گشتگ انت کہ فرنٹیئر کور بلوچستان ءِ ورنا راج ءِ فخر ءُُ سرمایہ انت، صوبہ ءَ امن ءِ ھاتر ءَ جان آنی قربانی دیوک آنی قربانی گار نہ باں، ایف سی ءِ گوں پولیس ءَ ہم نوکیں خطوط ءَ آرگ ءَ انت۔ پاک چائنا اقتصادی راہداری ءِ سرجمی ءَ نہ الما بلوچستان بلکں پاکستانءَ معاشی آشوب کیت انت۔
اے ھیال آنی درشانی آئی ءَ پنچ شمبے ءَ لورالائی ءَ ایف سی ءِ 59می پاسنگ آؤٹ پریڈ ءِ مراگش ءَ تران کنگ ءَ کرتگ۔ اے موہ ءَ صوبائی مشیر عبید اللہ بابت ، صوبائی مشیر سردار در محمد ناصر، انسپکٹر جنرل فرنٹیئر کور بلوچستان میجر جنرل شیرافگن ءُُ لورالائی ءِ کٹھمی مردم آنی مزنیں کساس ءَ بہر زرتگ۔ دیوان ءَ تران کنگ ءَ سر وزیر بلوچستان نواب ثناء اللہ خان زہری ءَ گشتگ کہ بلوچستان ءَ امن ءُُ ایمنی اولی ترجیح انت صوبہ ءَ امن ءُُ ایمنی ءِ جاورال ءَ باز شر تری آتکگ انت، پاک چائنا اقتصادی راہداری ءِ باروا سر وزیر بلوچستان ءَ گشتگ کہ اے یک عظیم منصوبہ انت آئی ءِ سرجمی ء۔
درستیں ملک ھاس کن بلوچستان ءَ وشحالی ءُُ معاشی دیمروی ءِ نوکیں وھد بندات بیت۔ آئی ءَ گشتگ کہ صوبائی حکومت پولیس، ایف سی ءَ نوکیں ہتھیار داتگ انت تنکہ صوبہ ءَ پائیدار امن ءَ یقینی جوڑ کرت بہ کن انت۔ آئی ء۔ گشتگ کہ منا امیت انت کہ پاس آؤٹ بوؤکیں با اعتماد ءُُ قابل فخر ورنا بلوچستان ءِ شریں روایت ءُُ تاریخ ءَ نہ الما زندہ بہ دار انت بلکں آئی ءَ زیات ہم بہ کن انت۔ سر وزیر بلوچستان ءَ سر سوب ریکروٹس آں مبارکباتی دئیگ ءَ گشتگ کہ شما وطن عزیز ءِ ھلاپ بوؤکیں ہر سازشت ءَ نا کار جوڑ بہ کن ات۔ دیوان ءَ 3ہزار 4سد کیڈٹس پاس آؤٹ بوت انت، پاس آؤٹ بوؤک آں 880ءِ تعلق بلوچستان ءَ انت۔
