کراچی(پاکستان نیوز پوائنٹ 08ستمبر 2016ء) مزن وزیر محمد نواز شریف ءَ گشتگ انت کہ پورا کوشست کنگ ءَ انت کہ پاکستان دیمروی ءِ منزل سر بہ بیت، کراچی ءَ تاں پشاور موٹروے جوڑ بیت، بلوچستان ءِ چپہ چپہ ءَ سڑک جوڑ بوھگ ءَ انت ، توان ءُُ گیس ءِ قلت ھلاس کنگ بیت، حکومتی گام گیج ءِ وجہ ءَ کار ءُُ باری ترندی ءَ اضافہ بوتگ انت، برآمدات آں اضافہ ءِ ھاترءَ لہتیں تجویز ءِ چار ءُُ تپاس گرگ ءَ انت ۔
کراچی سٹاک ایکسچینج ءِ 100انڈیکس 40ہزار ءِ برزتریں پڑ ءَ انت۔ پنچ شمبے ءَ سٹاک ایکسچینج ءِ شریں کار ءُُ کاردءِ کمپنی ءَ ایوارڈ دئیگ ءِ دیوان ءَ تران کنگ ءَ آئی ءَ گشتگ کہ دیمروی ءِ نوکیں با پچ بوتگ انت، تاں 2018توان ءِ لوڈ شیڈنگ ھلاس بیت ، توان پیداک کنگ ءِ ھاتر ءَ نہ الما درستیں ملک ءَ کار خانہ جنئگ ءَ انت بلکں توان ارزان ہم کنگ ءَ انت، پی آئی اے، ریلوے ءِ ھواری ءَ دومی ادارگ آں ہم شر جوڑ کنگ ءَ انت۔
آئی ءَ گشتگ کہ مئے کوست انت کہ ہر میدان ءَ پاکستان دیمروی بہ کنت۔ ادارگ آنی نجکاری ءَ پائدگ رستگ۔ آئی ءَ گشتگ کہ مئے آؤکیں سٹاک ایکسچینج ءِ ھواری ءَ ہر شعبہ ءَ دیمروی کرتگ، اللہ بہ کنت ماں بیا انت سٹاک ایکسچینج زیاب بوہان بہ بیت ملک دیمروی بہ کنت۔ آئی ءَ گشتگ کہ دگنیا گشگ ءَ انت کہ پاکستان ءِ سٹاک ایکسچینج دگنیا ءِ شریں سٹاک ایکسچینج آں ھوار انت ۔
پاکستان ءِ میکرواکنامک عشائیہ شر انت ۔ پورٹ قاسم تھر ءِ ھواری ءَ درستیں ملک ءَ توان ءِ کار خانہ جنئگ ءَ انت۔ آئی ءَ گشتگ کہ بینک آنی نجکاری ءَ بینک آں پائدگ دئیگ بندات کرتگ۔ آئی ءَ گشتگ کہ نجکاری ءَ ھچ بیروزگاری نہ بوتگ بلکں ملک ءَ روزگار ءَ اضافہ بوھگ ءَ انت۔ مزن وزیرءَ گشتگ کہ ٹیکس آنی گرگ ءَ 60درصد اضافہ بوتگ انت۔ آئی ءَ گشتگ کہ 1972ءَ پد ادارگ آنی نیشنلائزیشن ءَ ملک ءَ معاشی تاوان بوتگ، سفارشت ءِ سرا بے پنا بھرتی کرت انت۔
معیشت بڈتگ، ماں اے جاورال ءَ شر جوڑ کرت انت ءُُ وتی سئیں وھد آں دیمروی ءِ سفر برجاہ داشت انت۔ 1991ءَ نجکاری ءِ بندات کرت انت۔ موٹروے ءِ ھواری ءَ دیمروی ءُُ وشحالی ءِ منصوبہ دات انت۔ اے وھد کراچی ءَ تاں لاہور موٹروے ءِ سرا کار برجاہ انت۔ درستیں ملک ءِ صنعت آں 100درصد توان دئیگ ءَ انت۔ ماں درستیں معاملہ آں شر کرت انت۔ 1993ءَ ملک ٹیک آف کرتگ ات۔
پیسہ ڈن نہ شت انت بلکں پیسہ ملک ءَ آتک انت ۔ آئی ءَ گشتگ کہ کراچیءَ تاں حیدر آباد ءَ تاں سکھر ملتان موٹر وھے پراجیکٹ زوت سرجم بیت ہمے وڑ ءَ درستیں ملکءَ رابطہ بیت۔ آئیءَ گشتگ کہ مرچی پی آئی اے ءِ بالی گراب مساپر آں بر بوھگ ءَ روت انت ایشی مطلب ایش انت کہ پاکستان دیمروی کنگ ء َ انت مزن وزیرءَ گشتگ کہ حکومت چار ءُُ تپاس گرگ ءَ انتکہ ماں ہر وڑ ءَ دِگہ آسراتی بہ دئینت تنکہ برآمدات زیات بہ بئینت۔
مزن وزیر ءَ گشتگ کہ گیس نہ بوھگ ءَ پورا ملک ءَ زوت پورا بہ کن انت۔ آئی ءَ گشتگ کہ گوست حکمران آں جست بہ کن ات کہ مک ءَ تارمئی ءَ پرچے دھکہ دات انت۔ آئی ءَ گشتگ کہ مرچی پاکستان ہر شعبہ ءَ دیمروی کنگ ءَ انت۔ دیوان ءَ وزیر خزانہ سینیٹر اسحاق ڈار ءَ ہم تران کرتگ ءُُ پاکستانءِ معاشی جاورال ءِ شر تری ءَ زرتگ۔ آئیءَ گشتگ کہ یک سال ءَ کار پوریٹ سیکرٹرءَ گہتری آؤرتگ انت۔ کراچیسٹاک ایکسچینج ءَ پاکستان سٹاک ایکسچینج ءَ ضم کرتگ انت۔ کار ءُُ باری ترندی ءَ اضافہ ءِ ھاتر ءَ نوکیں قانود جوڑ کرتگ انت۔ میاں استمانی مالیاتی ادارگ پاکستانءِ معاشی دیمروی ءِ اعتراف کنگ ءَ انت۔
