اسلام آباد (پاکستان نیوزپوائنٹ 21 فروری2018ء) مزن وزیر شاہد خاقان عباسی ترکمانستان ءُُ افغانستان ءِ صدر آنی ءِ دعوت ءَ 22 ءُُ 23 فروری ءَ ترکمانستان ءُُ افغانستان ءِ سرکاری تروتاب کن انت ۔تروتاب ءِ وھد ءَ آں ترکمانستان، افغانستان،پاکستان،بھارت (تاپی) گیس پائپ لائن منصوبگ، توان ٹرانسمیشن لین ءُُ فائبر آپٹکسءِ بُن ھِشت(لنک اپ)مراگشاں شریداری کن انت۔
وزیر مملکت برائے ھاٹیگ جام کمال خان ھم آہاں گوں ھوار بنت۔ڈنی کارگِس ءِ نیمگا چہ چار شمبے ءَ جاڑی بیان ءِ ردابُن ھِشت ءِ دیوان ءَ مزن وزیر شاہد خاقان عباسی ترکمانستان ءَ صدر قربان علی ملکگولوچ بردی محمدوف، افغان صدر اشرف غنی ءُُ بھارت ءِ وزیر مملکت برائے ڈنی امور ایم جے اکبر یکجاھیں وڈ ءَ شریدار بنت۔مراگش ءِ اولی بہر سرہتابت، ترکمانستانءِ تہ برجم دارگ بیت۔
مزن وزیر وتی نندگ ءِ ساعت ءَ ترکمانستان ءِ صدرءِ گوما ھم گند ءُُ نند کن انت ءُُ پاکستان ھوار چاریں باسک ملکانی دودءُُ ربیدگی ءِ پدرائی ءُُ فن پارہ ءَ ھوار آرٹس اینڈ کلچرل نماش ءَ ھم شریداری کن انت۔ایشی ءِ رندا لنک اپ مراگش برجم دارگ بیت اُودا مزن وزیر دگہ باسک ملکانی راھشوناں گوں ھواری ءَ بیان دنت۔پدا مزن وزیر شاہد خاقان عباسی بُن ھِشت ءِ مراگش ءِ اوگان بہر ءِ تہ شریداری ھاترا ہرات ،اوگانستان ءَ رھادگ بنت۔اُودا آں اوگان صدر ءِ گوما گند ءُُ نند ھم کن انت۔(ن۔ا۔ج)
