اسلام آباد (پاکستان نیوزپوائنٹ 19فروری2018ء) ڈنی کارآنی وزیر خواجہ محمد آصف وتی روسی ہمکار سرگئی لاؤروفءِ دعوت ءِ سرا 19 چہ 22 فروری ءَ تاں روسی فیڈریشن ءِ تروتاب کن انت۔ماسکو ءِ تہ وتی نندگ ءِ ساعت ءَ ڈنی کارآنی وزیر خواجہ آصف وتی روسی ہمکار ءِ گوما سرجمیں گپ ءُُ حال کن انت۔دوئیں نیمگا چہ وت مہ وتی سیادی ءِ ھوار دمگی ءُُ جہانی کارآنی سرا ھیال ریچی کن انت۔
دوشمبے ءَ ڈنی کارگِس ءَ چہ جاڑی بیان ءِ تہ گوشگ بوتگ کہ ڈنی کارانی وزیر ءِ اے تروتاب سیاسی،اقتصادی،بیئپاری ،زرکاری ،دیمپانی،وانگی ءُُ ربیدگی تک ءَ کمک ءَ را تاگت دیئگ ءِ موہ پھجارگ بیت۔حیال بہ بیت کہ روسءَ را مئے ڈنی پالیسی ءِ تہ ھاسیں جاء حاصل انت۔ دوئیں ملکانی سیادی دراھیں تکاں ودکی آھگ انت۔گوستگیں لہتیں سال ءَ دوئیں ملکانی میان ءَ مزن تکے مٹ ءُُ سٹ ،سیال ھیرسگالی،رھوت ءَ گیش ءُُ مھکم کنگ دوئیں ملک واھشت مند انت۔دوئیں ملک اے سال ءَ سفارتی سیادی ءِ دارگ ءِ 70می بوتن روچ ھم گوازینگ انت۔دوئیں ملکانی ہمکار ایشی ءَ چہ پیسرا ستمبر 2017ءَ نیویارک ءِ تہ اقوام متحدہ ءِ جنرل اسمبلی ءِ دیوان ءِ موہ ءَ گند ءُُ نند کتگ ات۔(ن۔ا۔ج)
