اسلام آباد (پاکستان نیوزپوائنٹ 16فروری2018ء) وزیر مملکت برائے ریلوے چوہدری جعفر اقبالءَ راجی اسمبلی ءَ را سرپد کت کہ 30 ریلوے اسٹیشن آنی اپ گریڈیشن ءِ ھاترا 2 ارب 47 کروڑکلدار ءِ منصوبگ جوڈ کنگ بوتگ۔ جمعہ ءَ راجی اسمبلی ءِ تہ جستانی اوشت ءِ ساعت ءَ ڈاکٹر شازیہ صوبیہ ءِ جست ءِ پسو ءَ وزیر مملکت برائے ریلوے چوہدری جعفر اقبال ءَ سرپد کت کہ یکم جنوری 2012ء َ چہ 31 دسمبر 2014ءَ تاں ریلوے اسٹیشن آنی جوڈ جاڑی ءُُ سمبرینگ ءِ سرا 14 کروڑ 46 لکھ کلدار ھرچ بوتگ انت۔
30 ریلوے اسٹیشن آنی اپ گریڈ کنگ ءِ صلاح انت ۔ایشی ءِ سرا دو ارب 47 کروڑ 29 لکھ کلدار ھرچ کئیت ءُُ ایشی ءِ تہ گیش کار سندھ ءِ تہ انت۔ سندھ ءِ تہ 12 اسٹیشن آنی جوڈ جاڑی بیت ایشانی سرا یک ارب 24کروڑ 29لکھ کلدار ھرچ بنت۔آہاں سرپد کت کہ پنجاب ءِ تہ ریلوے ٹریک ءِ دراجی 6 ہزار 630 کلو میٹرانت وھدیکہ بلوچستان مءِ تہ یک ہزار 469 کلو میٹر انت۔ صاحبزادہ محمد یعقوب خانءِ جست ءِ پسو ءَ سرپد کت کہ مالی سال 2017-18ءِ ھاترا سرکاری شوبگ ءِ دیمروئی مراگش ءِ تہ 260ارب کلدار ھرچ ءَ گوں 37منصوبگ ھوار انت۔(ن۔ا۔ج)
