اسلام آباد (پاکستان نیوزپوائنٹ 16فروری2018ء) وزیر مملکت برائے کیڈ ڈاکٹر طارق فضل چوہدری ءَ گوشت کہ سیکٹر آئی 12 ءِ تہ دیمرئی کار یک سالے تہ سرجم کنگ بنت ۔ پارک روڈ ءِ جوڈ جاڑی ءِ ھاترا 58 کروڑکلدار ایر کنگ بوتگ انت۔ جمعہ ءَ راجی اسمبلی ءِ تہ جستانی اوشت ءِ ساعت ءَ نعیمہ کشور ءِ جست ءِ پسو ءَ وزیر کیڈ ڈاکٹر طارق فضل چوہدریءَ گوشت کہ سیکٹر آئی 12 ءِ تہ پنچ مزنیں روڈ آنی جوڈ جاڑی ءِ کار برجاہ انت۔
تا انوں 76 درسد کار سرجم بوتگ ات۔ایشی ءِ سرا گیش یک سالے وھد درکار انت بلے گوزوکیں مالی سال ءِ تہ 10 کروڑ کلدار ایر کنگ بوتگ انت۔اے سیکٹر ءِ ڈویلپمنٹ ءِ پدا قوضہ ءِ ھاترا پلاٹ آنی فائل آنی سرا کارروائی بیت ءُُ لینڈ سروے ڈویژن ءِ پلاٹ آنی قوضہ دات۔آہاں گوشت کہ پارک روڈ ءِ جاور ھراب انت ایشی ءِ جوڈ جاڑی ءِ ھاترا 58 کروڑ کلدار ھرچ بنت۔(ن۔ا۔ج)
