بیرسٹر فہد ملک خون کیس انا دوبہ دار ہاشم خان نا عبوری درخواست ضمانت اٹی 21ستمبر اسکان ودیکی، مقدمہ نا مدعی ءِ نوٹس جاری

اسلام آباد(پاکستان نیوز پوائنٹ 08ستمبر 2016ء) انسداد دہشت گردی نا خصوصی عدالت نا جج سید کوثر عباس زیدی مسکوہی چیئرمین سینیٹ محمد میاں سومرو نا بھانجہ بیرسٹر فہد ملک خون کیس انا دوبہ دار ہاشم خان نا عبوری درخواست ضمانت اٹی 21ستمبر اسکان ودیکی کرسا مقدمہ نا مدعی ءِ نوٹس جاری کرینے۔ پنچ شنبے آ عدالت بیرسٹر فہد ملک خون کیس اٹی اوار دوبہ دار ہاشم خان نا عبوری درخواست ضمانت آ سماعت کرے تو دوبہ دار نا کنڈآن اونا وکیل راجہ شاہد وخت اس کہ مقدمہ نا تفتیشی آفیسر انسپکٹر محمد یوسف عدالت اٹی پیش مس، سماعت نا وخت آ دوبہ دار نا وکیل دلیل تس کہ اونا موکل مقدمہ ٹی پندار اف بلکن شک انا بنداو آ اوار کننگا اوکان گڈ عبوری ضماعت دوئی کننگا، عدالت ریمارکس تس کہ مقدمہ نا مدعی ہراڑے کن ءِ ؟ اگہ تفتیشی ہمودے تو مدعی انت اکن ساڑی متو، عدالت دوبہ دار نا عبوری درخواست ضمانت اٹی 21ستمبر اسکان ودیکی کرسا مقدمہ نا مدعی ءِ نوٹس جاری کرینے۔