اسلام آباد (پاکستان نیوزپوائنٹ 13 فروری2018ء) صدر مملکت ممنون حسین ءَ گوشت کہ پاکستان بے ھسابیں تاب ءُُ ریسیں جیڈھ آنی گیواری ءَ کامیات بوتگ، ناشرکاری ءِ ھلاسی بوتگ ءُُ راجی معیشت ءَ گہتری پیداک اِنت ایشی ءِ سبب ءَ ملک ءَ وشھالی کئیت ءُُ برجائی ءَ را دیمروئی رسئیت۔ نیامی ایشیا ءَ ھوار دُگنیا ءِ بازیں ملک سی پیک ءَ چہ بازیں امیت بندوک کنگ ءَ اَنت، پاکستان انجینئرنگ کونسل ءُُ ایندگہ توامیں راجی ادارگ اے جھیڈھ ءَ وتی زمہ واری ءَ جوانی ءَ بہ پھم اَنت۔
اے گپ آئی ءَ سئے شمبے ءَ پاکستان انجینئرنگ کونسل ءِ چیر دستی ءَ انجینئرنگ ءَ گوں نزیکیں وانگی ادارگ ءِ ِِِاولی میاں اوستمانی ڈینز کانفرنس ءَ گشتانک دیان ءَ کت۔ کانفرنس ءَ گوں بُنجاھی وزیر برائے سائنس ءُُ ٹیکنالوجی رانا تنویر حسین ءَ ابید نامداریں پاکستانی ءُُ در ملکی کلانہ آں گشتانک دات۔ صدر ءِ مملکت ءَ گوشت کہ پاکستان ءَ را گوستگیں لستیں سال آں چہ ناشرکاری ءَ ھوار بازیں جیڈھ آنی گوما دیم پہ دیمی اِنت پپمشکہ معشیت آماچ بوھگ ءَ اِنت ءُُ بے روزگاری ءِ تہ ءَ گیشی بوھگ ءَ اِنت۔
اے جاور ھال ءِ نتیجگ ءَ انجینئرنگ ءِ شوبگ ءَ مردم ھم آماچ بوھگ ءَ انت بلے نوں جاور ھال مٹ بوتگ اَنت ءُُ پاکستان ءَ ناشرکاری ءَ ھوار توامیں جیڈھ آناں گر ءُُ دار کتگ۔ صدر ءِ مملکت ءَ امیت سہرا کت کہ انجینئرنگ کونسل وتی کزبی ازم ءَ را کارمرد کنان ءَ حکومت جوانیں چار ءُُ بچار پیش بہ کنت۔ آئی ءَ امیت سہرا کت کہ اے شور ءُُ سلاھ انجینئرنگ سروس سٹرکچر ءِ گہتری ءَ دل یکیمی کمک سہرا بنت۔
صدر مملکت ءَ اے گپ ءِ سرءَ دل وشی ءِ درشان کت کہ پاکستان گوستگیں سال ءَ واشنگٹن ءِ منوگری ءِ بھر جوڑ بوتگ ءُُ ایش انجینئرنگ ءِ شوبگ ءَ سک باز ارزشتی اِنت۔ آئی ءَ امیت درشان کت کہ میاں اوستمانی تک ءَ اے جوانیں فورم ءَ بھر زوری پاکستان ءَ انجینئرنگ ءِ شوبگ ءَ گہتری ءُُ راجی دیمروئی ءِ گام آنی تہ ءَ ترندی آرگ ءِ وسیلگ جوڑ بیت۔ اے موہ ءَ چیئرمین ہائر ایجوکیشن کمیشن پروفیسر ڈاکٹر مختار احمد، سیکریٹری جنرل ملائیشین سوسائٹی برائے انجینئرنگ ءُُ ٹیکنالوجی پروفیسر محمد نور ءُُ انجینئر ڈاکٹر جمیل احمد ءَ ابید پاکستان ءُُ پاکستان ءَ چہ ڈن آیوکیں انجینئرز ءُُ وانگ ءُُ ازنگ ءِ بلدکار آنی مزنیں کساس ءِ ساڑی ات۔ صدر مملکت ءَ اے موہ ءِ سرءَ بھر زوروک آناں شیلڈز ھم دات۔
