بلوچستان ءِ اُلس ءِ انتہا پسندی ءُُ نا رواداری ءِ ھچ تعلق نہ منتگ انت، گورنر بلوچستان محمد خان اچکزئی

بلوچستان ءِ اُلس ءِ انتہا پسندی ءُُ نا رواداری ءِ ھچ تعلق نہ منتگ انت، گورنر بلوچستان محمد خان اچکزئی

کوئٹہ(پاکستان نیوز پوائنٹ 07ستمبر 2016ء) گورنر بلوچستان محمد خان اچکزئی ءَ گشتگ انت کہ بلوچستان ءِ اُلس ءِ انتہا پسندی ءُُ نا رواداری ءِ ھچ سیادی نہ منتگ انت۔ ادا مہلوک برات براتی ءُُ رواداری ءِ سوگو روایت ءِ امین انت، آئی ءَ گشتگ کہ ھندی آباتی ھاس کن پشتون ءُُ بلوچ ءَ دستی ءُُ دژمنی ذہب ءُُ فرقہ ءِ نام ءَ نہ بوتگ۔ اے ھیال آنی درشانی آئی ءَ چار شمبے ءَ کرسچن ہسپتال کوئٹہ ءَ بوؤکیں بہر ءُُ بانگ ایوارڈ دیوان ءَ بہر زورک آں تران کنگ ءَ کرتگ۔

اے موہ ءَ باسک صوبائی اسمبلی ولیم جان برکت، ایم پی اے طاہر محمود خان، گوست سینیٹر روشن خورشید بروچہ، چیئر مین پبلک سروس کمیشن جسٹس (ر) مہتہ کیلاش ناتھ کوہلی، سیکرٹری پی ایچ ای شیخ نواز احمد ءُُ بشپ صادق ٹینئل ءَ ابید ڈاکٹر ءُُ پیرا میڈیکس ءِ بازیں کساس ھوار ات انت۔ گورنر ءَ شریدار آں تران کنگ ءَ گشتگ کہ کرسچن ہسپتال کوئٹہ ءِ شعبہ طب ءَ گرانقدر ھذمت انت ءُُ ایشی ءَ ہمگرنچ ڈاکٹر ءُُ نرس آں بلا تفریق ھذمت کرتگ انت۔

آئی ءَ امیت درشان کرتگ کہ باندات ءَ ہم آ بلا تفریق ھذمت کن انت۔ آئی ءَ اقلیت برات آں زور دئیگ ءَ گشتگ کہ شما وتی شریں شہری انت چنکس ماں انت آ شما وت ءَ را بیگانہ مہ سمجھ ات بلکں آ اے چاگرد ءِ ھاسین بہر انت المی انت کہ شما جبزگ اخوت ءَ دارگءَ درستیں چاگردی کار آں زیات پہ زیات بہر گر ات ۔ دیوان ءِ آھر ءَ گورنر ءَ شعبہ طب ءُُ دومی چاگردی شعبہ آں ھاسیں ھذمت کنوک آں ایوارڈ بہرءُُ بانگ کرتگ۔ دیما گورنر بلوچستان ءَ کرسچن ہسپتال کوئٹہ ءِ لہتیں شعبہ ءُُ وارڈ آنی معائنہ کرتگ۔ آئی ءَ ہسپتال ءِ ھاتر ءَ آبنوشی منصوبہ ءِ افتتاح ہم کرتگ۔