8اگستءِ وھیل ءَ نہ الما کوئٹہ بلکں درستیں ملک سوگوار انت، جسٹس ریٹائرڈ علی نواز چوہان

8اگستءِ وھیل ءَ نہ الما کوئٹہ بلکں درستیں ملک سوگوار انت، جسٹس ریٹائرڈ علی نواز چوہان

کوئٹہ(پاکستان نیوز پوائنٹ 07ستمبر 2016ء) نیشنل کمیشن فار ہیومن رائٹس ءِ چیئر مین جسٹس ریٹائرڈ علی نواز چوہان ءَ چار شمبے ءَ ہائی کورٹ بار ءَ 8اگست وھیل ءِ شہید وکیل آنی ھاتر ءَ فاتحہ وانی کرتگ اے موہ ءَ این سی ایچ آر ءِ بلوچستانءِ باسک فضیلہ عالیانی ءُُ صوبائی کوآرڈینیٹر امیر جان جمالدینی ہم آئی ءِ ہمراہ ات انت۔ ہائی کورٹ بار ءِ سینئر قانود دان کامران مرتضیٰ ایڈووکیٹ ، غنی خلجی ایڈووکیٹ، ایڈوکیٹ منیر کاکڑ، ایڈوکیٹ عبدالظاہر ایڈووکیٹ ءِ ھواری ءَ دومی وکیل ہم ھوار اتنت۔

چیئر مین نیشنل کمیشن فار ہیومن رائٹس جسٹس ریٹائرڈ علی نواز چوہان ءَ گشتگ کہ 8اگست وھیل ءَ نہ الما کوئٹہ بلکں درستیں ملک سوگوار انت آئی ءَ گشتگ کہ کوئٹہ وھیل ءِ انکوائری بہ کن ات ءُُ شہید وکیل آنی کمی ءَ پورا کنگ ءِ ھاتر ءَ کوئٹہ ءِ وکیل آں ڈن ملک سکالر شپر ءِ سرا دیم بہ دئیت، 8اگست وھیل ءِ ھوالہ ءَ اگاں نیشنل کمیشن فار ہیومن رائٹس ءَ انکوائری ءِ ھاتر ءَ درخواست دات انت گڑا آ اے سلسلہ ءَ وتی کرد ضلور پیش بہ کنت۔