ایوان بالا ءِ دیوان، بلوچستان ءِ ڈومیسائل داروک افسر آنی ترقی ءِ باروا جست ہمگرنچ کمیٹی ءَ دیم دات انت

ایوان بالا ءِ دیوان، بلوچستان ءِ ڈومیسائل داروک افسر آنی ترقی ءِ باروا جست ہمگرنچ کمیٹی ءَ دیم دات انت

اسلام آباد(پاکستان نیوز پوائنٹ 07ستمبر 2016ء) بلوچستان ءِ ڈومیسائل داروک افسر آنی ترقی ءِ باروا 3جست آن ہمگرنچ کمیٹی ءَ دیم دات انت۔ چار شمبے ءَ ایوان بالا ءِ دیوان ءَ وقفہ جست آنی وھد ءَ سینیٹر میر کبیر احمد محمد شہی ءِ جست آنی پسو ءَ بنجاہی وزیر پارلیمانی امور شیخ آفتاب احمد ءَ گشتگ کہ بلوچستان ءِ ڈومیسائل داروکیں افسر گریڈ 21ءَ دیمروی ءَ پد اے صوبہ ءَ ڈن ملازمت کنگ ءِ استحقاق دار انت بلے شرط ایش انت کہ بلوچستان ءَ کم ءَ چہ کم ملازمت ءِ دہ سال ءِ وھد بہ بیت۔

گریڈ 20ءَ دیمروی ءِ جاور ءَ بلوچستان ءَ ملازمت ءِ وھد ہفت سال انت یعنی وتی صوبہ ءَ ملازمت ہفت سال بیت۔ روٹیشن پالیسی ءِ اطلاق الما بلوچستان ءِ دومیسائل داروک افسر آنی سرا بیت انت اے پیسلہ صوبہ ءُُ اُلس ءِ شر تری ءِ ھاتر ءَ کرتگ انت تنکہ صوبہ ءِ ڈومیسائل داروک افسر وتی صوبہ ءِ تہا چہ ھذمت کرت بہ کن انت۔ سینیٹر عثمان کاکڑ ءَ لوٹ کرتگ کہ اے جست ءَ ہمگرنچ کمیٹی ءَ دیم بہ دئیت۔

بنجاہی حکومت ءَ سیکرٹری ءِ پڑءَ ھچ افسر بلوچستان ءِ نیست، بنجاہی وزیر پارلیمانی امور ءَ گشتگ کہ اگاں باسک لوٹ انت کہ اے جست ءَ کمیٹی ءَ دیم بہ دئینت گڑا منا اعتراض نیست انت باسک آنی رائے ءِ شرپ دار انت۔ صدر نشین ءَ اے جست ہمگرنچ کمیٹی ءَ دیم داتگ چوشکہ ایشی ءِ باروا دومی جست آن ہم کمیٹی ءَ دیم دات انت۔