اسلام آباد(پاکستان نیوز پوائنٹ 07ستمبر 2016ء) بنجاہی وزیر برائے منصوبہ بندی ءُُ دیمروی احسن اقبال ءَ گشتگ انتکہ حکومت معاشی شعبہ ءِ شر تری ءِ ھاتر ءَ کار کنگءَ انت، پاکستان اقتصادی شعبہ ءَ دیمروی ءِ نیمگ ءَ روان انت حکومتءِ وژن 2025جان سلامتی ءِ پائیدار دیمروی ءِ میاں استمانی ہدف ءَ مطابقت داریت۔ اے ھیال آنی درشانی آئی ءَ چار شمبے ءَ پائیدار دیمروی ءِ ہدف جان سلامتی ءِ دیوانءَ تران کنگءَ کرتگ۔
بنجاہی وزیر ءَ گشتگ کہ پاکستان اولی ملک انت آئی ءَ پائیدار دیمروی ءِ میاں استمانی ہدف ءَ بنجاہی دیمروی ءِ ہدف ءِ وڑ ءَ ایر کرتگ انت۔ پاکستان ءِ پارلیمان ءَ یک ھواریں قرار داد منظور کرتگ انت اے پاکستانءِ ازم ءُُ امنگ ءَ ظاہر کنت۔ پائیدا ر دیمروی ءِ ہدف ءِ پجارینگ پاکستان ءِ بنجاہی ایجنڈا انت۔ آئی ءَ گشتگ کہ 18می ترمیم ءَ پد وانگءُُ زانگ، جان سلامتی، گریبی ءُُ غذائیت ءِ ذمہ واری صوبہ ءِ سرا بیت بلے بنجاہی حکومت ایشی ءَ پورا وڑ ءَ دستبردار کرت نہ کنت ءُُ بنجاہی حکومت صوہ ءِ گوں یکجا ایشی ءِ کار کنگ ءَ انت آئی ءَ گشتگ کہ پاکستان وژن 2025ءِ ہفت تمبئو پائیدار دیمروی ءِ ہدف ءِ گوں ہمگرنچ انت۔
آئی ءَ گشتگ کہ یک جان سلامتی راج ءَ چہ جان سلامتی چاگرد ءِ باؤٹ انت ہمے ھاتر ءَ المی انت کہ شریں جان سلامتی مئے وتی آؤکیں باندات ءَ محفوظ جوڑ بہ کنت۔
