ماں کل یکجا پاکستانءِ ھذمت کن انت، مخالفین آنی پروپیگنڈا ءِ پرواہ کنگ ءَ ابیت دیمروی ءِ سفر برجاہ مانیت مزن وزیر محمدنواز شریف ءِ چترال ءَ جلسہ عام ءَ تران

ماں کل یکجا پاکستانءِ ھذمت کن انت، مخالفین آنی پروپیگنڈا ءِ پرواہ کنگ ءَ ابیت دیمروی ءِ سفر برجاہ مانیت مزن وزیر محمدنواز شریف ءِ چترال ءَ جلسہ عام ءَ تران

چترال(پاکستان نیوز پوائنٹ 07ستمبر 2016ء) مزن وزیر محمد نواز شریف ءَ گشتگ انتکہ ماں کل یکجا پاکستان ءِ ھذمت کن انت، مخالفین آنی پروپیگنڈا ءِ پرواہ کنگ ءَ ابید دیمروی ءِ سفر برجاہ مانیت، چترال ءَ دل ءِ گہرائی ءَ مہر بہ کن انت، لورای ٹنل جون 2017ءَ سرجم بیت۔ دیمروی منصوبہ وشحالی ءِ منزل انت۔ دمگ ءِ 100ءَ چہ زیات ھلک آں توان دئیگ بیت۔ چار شمبے ءَ جلسہ عام ءَ تران کنگءَ آئی ءَ گشتگ کہ منا چترال ءِ اُلس ءَ ہمنکس مہر انت کہ چنکس آ منی گوں کن انت۔

آئی ءَ گشتگ کہ لواری ٹل ءَ ابید 17ارب کلدار شاہرگ آنی جوڑ ءُُ جاڑیءِ سرا ہم ھرچ بیت۔ آئی ءَ گشتگ کہ مئے دل آں بغض نہ انت آئی ءَ کجام ھد ءَ مینڈیٹ رستگ آئی ءِ شرپ بہ دار انت۔ بغض بہ بو تیں گڑا صوبہ آں حکومت جوڑ بہ کرتیں۔ آئی ءَ گشتگ کہ احتجاجی سیاست کنوک اُلس ءَ ہر جاگہ رد کرتگ۔ مزن وزیر ءَ گشتگ کہ چترال ءَ بازیں یونیورسٹی جوڑ بیت۔ آئیءَ گشتگ کہ دمگ ءَ ہسپتال ءِ جوڑ ءُُ جاڑیءِ ھاتر ءَ مزن وزیر ہیلتھ پروگرام ءِ ردا 250بستر آنی ہسپتال جوڑ بیت آئی ءِ جوڑ ءُُ جاڑی بندات بیت ءُُ اکثر منصوبہ تاں 2018ءَ سرجم بئینت۔

2018ءَ پد ہم دیمروی منصوبہ ءِ سرجمی برجاہ مانیت۔ آئی ءَ گشتگ کہ ماں لواری ٹنل ءِ نامءِ سرا ووٹ نہ لوٹ انت۔ مزن وزیر ءَ گشتگ کہ شہزادہ افتخار الدین ءِ گوں سیاسی مشرف ءِ وجہ ءَ نہ بلکں ٓائی ءِ پت شہزادہ محی الدین ءِ وجہ ءَ انت۔ آئی ءَ گشتگ کہ ماں کل یکجا ادا مہلوک ءِ ھذمت بہ کن انت ءُُ جون2017ءَ لواری ٹنل ءِ افتتاح بہ کن انت۔ آئی ءَ گشتگ کہ لع کونسل ءَ رستگیں گرانٹ ءَ دمگ ءَ گلی، سینیٹیشن ءَ شر جوڑ کنگ بیت۔

مزن وزیر ءَ گشتگ کہ من ھچ انچیں گپ نہ کرتگ کہ منی ایجنڈا ءَ مہ بیت۔ آئی ءَ گشتگ کہ وشی انت کہ چترال ءِ اُلس اردو سمجھگ بندات کرتگ انت۔ آئی ءَ گشتگ کہ چترال ءِ ورنا آنی ھاتر ءَ تاں مرچی ءَ یک ءَ ھچ نہ کرتگ لورای ٹنل منصوبہ 55سال ءَ نہ بوھگ ءَ انت۔ آئی ءَ گشتگ کہ دعا گو انت کہ اللہ تعالیٰ مخالفین آں ہدایت نصیب بہ کنت ءُُ پاکستان ءِ دیمروی ءِ توفیق بہ دنت۔

آئی ءَ گشتگ کہ گوستگیں سے سال آں چترال ءِ دیمروی ءِ ھاتر ءَ 10ارب کلدار داتگ، آؤکیں سال دیمروی ءِ ھاتر ئَدِگہ 8ارب کلدار بہ دئینت۔ آئی ءَ چترال ءَ شاہرگ ءِ منصوبہ ءِ سرا زوت کار بندات کنگ ءِ پنتءُُ شون کرتگ آئیءَ گشتگ کہ گولن گونءَ تاں چترال 132کے وی لائن تالان بیت آئی ءَ 108میگا واٹ توان پیداک بیت۔ مزن وزیر ءَ گشتگ کہ مئے کوشست انت کہ اے منصوبہ آؤکیں سال سرجم بیت۔

آئی ءَ گشتگ کہ ماں بیشتر دیمروی منصوبہ آں 2018ءَ دیما سرجم بہ کن انت۔ دیما مزنو زیر ءِ مشیر انجینئر امیر مقام ءَ جلسہ ءَ تران کنگ ءَ گشتگ کہ اُلس ءَ پی ٹی آئی ءَ رد کرتگ انت عمران خان 2018ءِ گچینکاری ءَ کٹت کرت نہ کنت۔ آئی ءَ گشتگ کہ مخالفین نہ امید گِس ءَ مان انت نہ اُلس ءِ پیسلہ ءِ سرا بھروسہ بہ کن انت۔ آھر آ کجام گپے سرا یقین دار انت۔ انجینئر امیر مقام ءَ گشت گشتگ کہ مئے جلسہ ءَ جماعت اسلامی، جے یو آئی ءُُ دومی گل آنی نمائندگ ہم ھست انت ءُُ اے گپ بدلی ءِ گپ کنوک آں سمجھ لوٹیت اُلس ءِ اکثریت مئے گوں ھوار انت۔

جلسہ ءَ گوست گورنر کے پی کے سردار مہتاب خان عباسی، وزیر مملکت برائے انفارمیشن ٹیکنالوجی انوشہ رحمن، باسک بنجاہی اسمبلی شہزادہ افتخار الدین، باسک بنجاہی اسمبلی صاحبزادہ طارق اللہ، مسلم لیگ (ن) ضلع چکوال ءِ صدر سعید احمد خان ءُُ دومی راھشون ہم ھوار ات انت۔