حکومت ڈیہہ نا ایلو ملک آتا پٹرولیم مصنوعات آتا نرخ آتا پاکستان آن تقابلی جاچ ءِ قومی اسمبلی ٹی پیش کرے

اسلام آباد (پاکستان نیوز پوائنٹ 07ستمبر 2016ء) حکومت ڈیہہ نا ایلو ملک آتا پٹرولیم مصنوعات آتا نرخ آتا پاکستان آن تقابلی جاچ ءِ قومی اسمبلی ٹی پیش کرینے، بھارت اٹی پٹرولیم نا نرخ پاکستان نا مقابلہ ٹی 34روپئی فی لیٹر و بنگلہ دیش اٹی 50 روپئی فی لیٹرزیات ءِ، بھارت اٹی ڈیزل نا نرخ پاکستان نا مقابلہ ٹی 13روپئی فی لیٹر زیات ءِ۔چارشنبے آ قومی اسمبلی ٹی وقفہ سوج آتا وخت آ وزارت پٹرولیم و قدرتی وسیلہ نا کنڈآن دا موازنہ ایوان اٹی پیش کننگا ہرانارداٹ پاکستان اٹی پٹرول نا نرخ فی لیٹر 64روپئی 27 پیسہ ءِ وخت اس کہ بھارت اٹی دا نرخ 98 روپئی 63پیسہ، سری لنکا ٹی 91روپئی 82پیسہ، بنگلہ دیش 113روپئی 72پیسہ ونیپال اٹی 92روپئی 72پیسہ فی لیٹر ءِ۔

پاکستان اٹی ڈیزل نا فی لیٹر نرخ 72روپئی 52پیسہ نا مقابلہ ٹی بھارت اٹی 85روپئی 20پیسہ، سری لنکا 68 روپئی 15پیسہ، بنگلہ دیش 83روپئی 5پیسہ، نیپال 68 روپئی 27 پیسہ فی لیٹر ءِ۔