وزیر کانود زاہد حامد نا قومی اسمبلی ٹی وقفہ سوج آتا وخت آ درشانِ خیال

اسلام آباد (پاکستان نیوز پوائنٹ 07ستمبر 2016ء) وزارت کانود نا کنڈآن قومی اسمبلی ءِ پاننگانے کہ ساڑی آ دورحکومت اٹی 21صدارتی احکامات جاری کننگا، مسکوہی پنچ سال انا وخت فیڈرل سروس ٹریبونل اٹی 4ہزار 894مقدمہ زیر التواء ءُ۔ چارشنبے آ قومی اسمبلی ٹی وقفہ سوج آتا وخت آ ثریا جتوئی نا سوج انا ورندی ٹی وزیر کانود زاہد حامد پارے کہ ساڑی آ حکومت نا وخت آ 21صدارتی احکامات بس۔ سپریم کورٹ یا ہائی کورٹ نا جج آتا تنخواہ و پنشن نا بابت احکامات شیڈول 5نا رداٹ جاری کننگک۔ ایوان ءِ پاننگاکہ فیڈرل سروس ٹریبونلز سرکاری ملازم آتے دمدستی انصاف تننگ و مقدمہ غاتے زوت چٹفنگ کن پرعزم ءِ۔ اگست نا تواٹی تعطیلات آتا باوجود اسلام آباد، لاہور و کراچی ٹی ٹربیونل نا بنچز کاریم کرسا کریر۔