وزیراعظم محمد نواز شریف چترال آ سرمس وزیراعظم کیہی شرحالی و شونداری ڈٹ آتا بنداو ءِ تخک

وزیراعظم محمد نواز شریف چترال آ سرمس وزیراعظم کیہی شرحالی و شونداری ڈٹ آتا بنداو ءِ تخک

چترال(پاکستان نیوز پوائنٹ 07ستمبر 2016ء) وزیراعظم محمد نوازشریف چترال اٹی کیہی شرحالی و شونداری ڈٹ آتا بنداو ءِ تخنگ و بنجائی حکومت نا مالی کمک آن جوڑ جاڑ مروک آ بھلا لواری ٹنل پروجیکٹ نا معائنہ کن چارشنبے آ داڑے سرمس۔ وزیراعظم نا سلاہکار انجینئر امیر مقام و علاقہ نا ایلو سرکڑدہ و پاکستان مسلم لیگ (ن) نا کسرشون آتا بھلو کچ اس اودے بخیر کریر۔

وزیراعظم کیہی شونداری ڈٹ آتا جاچ ءِ ہلیک و بونی بوزندکور روڈ انا ودیکی و جوڑجاڑ تون اوار کیہی بھلا شونداری ڈٹ آتا بنداو ءِ تخک۔ 25 کلو میٹر سریس بونی روڈ بنجائی حکومت نا سالانہ شونداری پروگرام نا کمک اتون پورو مریک ہراڑآن کیہی منڈی تیان چترال شار اسکان آسان رسینگ آن بیدس گچین مواصلاتی آسراتی فراوان مریک ۔ وزیراعظم چترال اٹی اسہ بھلو جلسہ اسے آن ہم تران کننگ ءِ۔