سی پیک ڈٹ انا پوروی آن بلوچستان اٹی انقلابی بدلی بریک، خلقت آتے کن روزگار نا درگہ غاک ملنگرہ، صوبائی سلاہکار محمد خان لہڑی نا ”اے پی پی“ تون ہیت وگپ

سی پیک ڈٹ انا پوروی آن بلوچستان اٹی انقلابی بدلی بریک، خلقت آتے کن روزگار نا درگہ غاک ملنگرہ، صوبائی سلاہکار محمد خان لہڑی نا ”اے پی پی“ تون ہیت وگپ

کوئٹہ(پاکستان نیوز پوائنٹ 06ستمبر 2016ء) صوبائی سلاہکار معدنیات صوبائی اسمبلی نا باسک حاجی محمد خان لہڑی پارینے کہ سی پیک ڈٹ نا پوروی آن بلوچستان اٹی انقلابی بدلی بریک، خلقت آتے کن روزگار نا درگہ غاک ملنگرہ، نصیر آباد نا الس نا خذمت کننگ ءِ تینا فرض سمجھیوہ، حلقہ ٹی کروڑ آ روپئی نا خڑچ آن اسکیم تسونن ہرافتا پوروی آن الس ءِ فائدہ مریک، خالی نعرہ خلنگ نا وخت گدرینگا، سیاست آ آخا السی خذمت آ یخین تخنہ۔

داہیت ءِ او”اے پی پی“ تون ہیت وگپ کرسا پارے۔ اوپارے کہ الس ءِ سوز باغ نشان تننگ نا وخت گدرینگانے مخلوق تینا ویل آتے چٹفنگ خوارہ چنکو وخت اسے ٹی علاقہ نا خلقت آتا خذمت ءِ کرین او ڈغاری حقائق آ ساڑی ءُ داوا آخا الس نا عملی خذمت آ یخین تخنہ۔ او پارے کہ صوبائی حکومت جان جوڑی، تعلیم ، کشت و کشار و مواصلات آ خصوصی توجوہ تننگ انگ ءِ، نصیر آباد نا الس ءِ اوچ پاور آن بجلی تننگ پاکستان مسلم لیگ (ن) نا سروک نا کوشست آتا بھرم ءِ دابابت آن غٹ گام گیج آک آخریکو مرحلہ غاتیٹی ءُ۔

السی مفاددوست ءِ ، السی ویل آتیان بے پرواہ افن بجلی نا لوڈشیڈنگ نا خاتمہ کن کوشست کننگ انگ ءِ ،۔ آباد غٹ قوم تا حق اسہ وڑ ءِ اسٹ اسے ہم شونداری عمل اٹی نظر انداز کپنہ۔ اومستی پارے کہ بنجائی حکومت آن بھلا بھلا ڈٹ آتا بلوچستان اٹی انعقاد آن شون و شونہالی نا دور انا بناء مسنے۔