بلوچستان ءِ ٹیکس آتا بابت آن مخصوص رعایت تننگانے، بنجائی وزیر کانود و انصاف زاہد حامد

بلوچستان ءِ ٹیکس آتا بابت آن مخصوص رعایت تننگانے، بنجائی وزیر کانود و انصاف زاہد حامد

اسلام آباد(پاکستان نیوز پوائنٹ 06ستمبر 2016ء) بنجائی وزیر کانود و انصاف زاہد حامد پارے کہ بلوچستان ءِ ٹیکس آتا بابت مخصوص رعایت تننگانے۔ سے شنبے آ ایوان بالا نا دیوان نا وخت آ ایوان بالا نا منظور کروک قرارداد آ رپورٹ پیش کرسا بنجائی وزیر کانود و انصاف زاہد حامد پارے کہ بلوچستان اٹی مائننگ کن خاص وڑاٹ رعایت تننگاسس۔ 2014ء ٹی ترمیم کرسا فوڈ پراسیسنگ ءِ ہم ٹیکس آن استثنیٰ تننگا۔

پنچ سال آن پوسکنا صنعت آتا اڈتننگ آ ہم ٹیکس اٹی رعایت تننگا۔ ایئر ٹکٹس آ ودہولڈنگ ٹیکس اٹی استثنیٰ تننگا، کنسٹرکشن میٹریل گوادر ایکسپورٹ پروسیسنگ زون کن ہم رعایت تسنے، کسٹمز نا بابت شش رعایت تننگانے۔ گوادر نا ایب و کیب مشینری آ ٹیکس اٹی رعایت ءِ۔ ہوٹلز آتے کن صرف پنچ درسد ڈیوٹی ءِ۔ بلوچستان نا صوبہ ءِ کیہی وڑنا رعایت و استثنیٰ تننگ انگ ءِ۔

بلوچستان آن تعلق تخوک آ باسک آک دا معاملہ غا پین ہیت کننگ نا خواہندار ئسر واہم صدر نشین پارے کہ دا معاملہ غا پین شرہ کننگ مفک۔ اگہ باسک آک دا معاملہ غا پین شرہ کننگ خوارہ تو پین وڑوڈول اس اختیار کیر۔ ایوان بالا نا منظور کروک قرارداد اٹی حکومت آ زورشاغنگاسس کہ صوبہ بلوچستان نا برآمد کنندگان آتے کن کسٹم ڈیوٹیز و ٹیکس آتیٹی رعایت نا پڑو ءِ کننگے۔ دا قرارداد نا محرک سینیٹر کلثوم پروین ئس۔