بنجائی وزیر اطلاعات ، نشریات و قومی میرات سینیٹر پرویز رشید نا کشمیری میڈیا نا ڈل اتون اوڑدہی ٹی درشانِ خیال

بنجائی وزیر اطلاعات ، نشریات و قومی میرات سینیٹر پرویز رشید نا کشمیری میڈیا نا ڈل اتون اوڑدہی ٹی درشانِ خیال

اسلام آباد(پاکستان نیوز پوائنٹ 06ستمبر 2016ء) بنجائی وزیر اطلاعات ، نشریات و قومی میرات سینیٹر پرویز رشید پارینے کہ پاکستان کشمیری الس نا اخلاقی ، سیاسی و سفارتی مخ تفی نا عزم ءِ کرینے و ننا دا یخین ءِ کہ ویل انا ایسری کشمیری الس نا است خواہی تارداٹ اقوام متحدہ نا قرارداد آتیا عمل کننگ اٹی تخوک ءِ۔ اوداہیت ءِ سے شنبے آ داڑے کشمیری میڈیا نا ڈل اتون اوڑدہی نا وخت آ پارے۔

داوخت آ وزیراعظم نا خصوصی کمکار ڈاکٹر آصف کرمانی ہم ساڑی ئس۔ سینیٹر پرویز رشید کودک کشمیری تیا بھارتی فوج انا وحشیانہ ظلم ءِ بربریت گوندسا پارے کہ دننگا دہشت گرد کارروائیک کشمیری تا آجوئی نا منصفانہ نصب العین و اوفتا حق خودارادیت نا توار ءِ توننگ کپسہ۔ اوکشمیری ایلم آتون پاکستان نا یکجہتی نا عزم انا ہم درشانی ءِ کرے ہرافتے آ بھارتی فوج ظلم کننگ ءِ۔

اوجہانی برادری آ زورشاغا کہ او بھارتی فوج انا کنڈآن کروک آ ظلم خاص کر مقبوضہ کشمیر نا کودک چنا ، ورناو نیاڑی تیا چرہ غاتے اٹ سم کاری نا نوٹس ءِ ہلے۔ اوپارے کہ حق خودارادیت کن مقبوضہ کشمیر نا الس نا عظیم قربانیک گم مفسہ۔ کشمیرکاز ءِ تالان کننگ نا چرجوئی ٹی کشمیری میڈیا نا کوشست آتا صفت ءِ کرسا پرویز رشید پارے کہ حکومت صحافی و میڈیا ورکرز آتا شرحالی و رکھ اکن تینا غٹ وسیلہ غاتے کاریم اٹ اتیک۔ ڈل وزیر ءِ صحافی و میڈیا ورکرز آتے مون آ ویل آتیان معلومدار کرے و اوفتا ایسری کن کمک کن پارے ہراڑآ او ڈل ءِ ویل آتا زوت ایسری نا یخین ترفے۔ اوپارے کہ جمہوری حکومت آجوئی اظہار رائے آ یخین تخک و ملک اٹی میڈیا نا صنعت نا شون اکن کمکاری ءِ برجاء تخک۔