پاکستان ءَ کشمیری اُلس ءِ اخلاقی، سیاسی ءُُ سفارتی حمایت ءِ ازم داریت،

اسلام آباد۔(پاکستان نیوز پوائنٹ 06ستمبر 2016ء) بنجاہی وزیر اطلاعات ءُُ نشریات ءُُ بنجاہی ورثہ سینیٹر پرویز رشید ءَ گشتگ انت کہ پاکستان ءَ کشمیری اُلس ءِ اخلاقی، سیاسی ءُُ سفارتی حمایت ءِ ازم داریت ءُُ مئے اے یقین انت کہ مسئلہ ءِ ھل کشمیری اُلس ءِ امیت آنی ردا اقوام متحدہ ءِ قرار داد ءِ سرا عمل کنگ ءَ انت، آئی ءَ اے گپ سے شمبے ءَ کشمیری میڈیا ءِ ٹولہ ءِ گوں گندءُُ نندءِ وھد ءَ کرتگ۔

اے موہ ءَ مزن وزیر ءِ معاون ھاس ڈاکٹر آصف کرمانی ہم ھوار ات۔ سینیٹر پرویز رشید ءَ معصوم کشمیری آنی سرا بھارتی فوج ءِ وحشیانہ زلم ءَ بربریت گشگ ءَ گشتگ کہ انچیں نا شرکار کارروائی کمشیری آنی آجوئی ءِ منصفانہ نصب العین ءُُ آھانی ھق وت واجہی ءِ توار ءَ چیر دات نہ کن انت۔ آئی ءَ کشمیری برات آں گوں پاکستان ءِ یکجہتی ءِ ازم ءِ ہم درشانی کرتگ آئی ءِ سرا بھارتی فوج زلم کنگءَ انت۔

آئی ءَ میاں استمانی برات آنی سرا زور داتگ کہ آ بھارتی فوج ءِ نیمگءَ بوؤکیں زلم ھاس کن مقبوضہ کشمیر ءِ معصوم زاھگ ، ورنا ءُُ زالبول آنی سرا تیر کاری ءِ نوٹس گپتگ۔ آئی ءَ گشتگ کہ ھق وت واجہی ءِ ھاتر ءَ مقبوضہ کشمیر ءِ اُلس ءِ شریں قربانی گار نہ بیت۔ کشمیر کاز ءَ زورگ ءِ سلسلہ ءَ کشمیری میڈیا ءِ کوشست ءِ ستا کنگءَ پرویز رشید ءَ گشتگ کہ حکومت صحافی ءُُ میڈیا کارندہ آنی بہبودءُُ رکھگ ءِ ھاتر ءَ وتی درستیں وسیلگ کار مرز کاریت۔

ٹولہ ءَ وزیر ءَ صحافی ءُُ میڈیا کارندہ ءَ ھستیں مسئلہ آں آگاہ کرتگ ءُُ آھانی ھل ءِ ھاتر ءَ کمک ءِ ھاترءَ گشتگ آئی ءِ سرا آئی ءَ ٹولہ آنی مسئلہ ءَ زوت ھل کنگ ءِ یقین داتگ۔ آئی ءَ گشتگ کہ جمہوری حکومت آجوئی اظہار رائے ءِ سرا یقین داریت ءُُ ملک ءَ میڈیا ءِ صنعت ءِ دیمروی ءِ ھاتر ءَ کمک برجاہ داریت۔