درستیں ملک ءِ وڑ ءَ بلوچستان ءِ سیم سری شہر چمن ءَ دفاع ءِ روچ پاکستان باز جوش ءُُ جبزگ ءَ گوازینت انت

درستیں ملک ءِ وڑ ءَ بلوچستان ءِ سیم سری شہر چمن ءَ دفاع ءِ روچ پاکستان باز جوش ءُُ جبزگ ءَ گوازینت انت

چمن۔(پاکستان نیوز پوائنٹ 06ستمبر 2016ء) درستیں ملک ءِ وڑ ءَ بلوچستان ءِ سیم سری شہر چمن ءَ دفاع ءِ روچ پاکستان ءَ باز جوش ءُُ جبزگ ءَ گوازینگ انت۔ سرجمی ءِ ردا چمن ءَ ضلع ءِ کل آں چہ مزنیں دیوان ایف سی قلعہ چمن ءَ بوتگ اودا ایف سی چمن ءِ کمانڈنٹ کرنل واجد علی ستی ءَ بنجاہی بیرک بُرز کرتگ ءُُ ضلعی آفیسر آنی ہمراہ یات گار شہید آنی سرا پُھل تالان ءُُ وتی ملک ءِ ھاتر ءَ جان قربان کنوکیں شہید آنی درجات ءِ برزیءِ ھاتر ءَ ھاسیں دعا ہم لوٹت انت چوشکہ ایف سی قلعہ ءَ پاک فوج ءِ چیر دست نوک تریں سلاہ ءِ نمائشت ہم کرت انت آئی ءَ سکول آنی نو در بر ءُُ ھندی کٹھم ءَ بہر زرتگ اے موہ ءَ پاک فوجءِ ورنا آں نو در بر ءُُ کٹھمی توپنگ ءِ باروا سرجمی ءَ بریفنگ ہم داتگ۔

دلگوش بہ بیت کہ چمن ءَ لہتیں ھند آنی سرا سرکاری ءُُ نجی پڑ ءَ دیوان بوتگ آئی ءَ یوم فاع پاکستان ءَ ماتیں وطن ءِ ھاتر ءَ جان قربان کنوکیں شہید آنی ستا پیش کرت انت۔ پدا ایف سی سکول چمن ءَ ہم یک دیوان اڈ داتگ آئی ءَ ایف سی کمانڈنٹ کرنل واجد علی ستی، کرنل محمد عثمان، ڈی پی او چمن ساجد خان ءُُ دومیا فسر ءُُ کٹھمی راھشون آں بہر زرت انت، یوم دفاع پاکستان ءِ موہ ءَ پاک اوگان سیم سر ءِ سرا سیکورٹی ءِ سک بند ءُُ بست کرتگ ات انت۔