دو نیمگی واپاری ءَ زیات بوھگ ءِ ھاترءَ ٹیکسٹائل، کشتءُُ کشاری مشینری،

فار ما سیوٹیکل ءِ شعبہ ءَ کمک زیات بہ کنت مزن وزیر محمد نواز شریف ءِ سینیگال ءِ صدر مکی سال ءِ گوں گند ءُُ نندءَ گپ ءُُ تران

دو نیمگی واپاری ءَ زیات بوھگ ءِ ھاترءَ ٹیکسٹائل، کشتءُُ کشاری مشینری،
فار ما سیوٹیکل ءِ شعبہ ءَ کمک زیات بہ کنت مزن وزیر محمد نواز شریف ءِ سینیگال ءِ صدر مکی سال ءِ گوں گند ءُُ نندءَ گپ ءُُ تران

اسلام آباد(پاکستان نیوز پوائنٹ 06ستمبر 2016ء) مزن وزیر محمد نواز شریف ءَ سینیگال ءِ گوں دو نیمگی واپاری زیات کنگ ءِ ھاتر ءَ ٹیکسٹائل، زرعی مشینری ءُُ فار ما سیوٹیکل ءِ شعبہءَ کمک ءَ اضافہ ءِ سرا زور داتگ انت۔ سے شمبے ءَ مزن گِس ءَ سینیگال ءِ صدر مکی سال ءِ گوں دیم پہ دیم گند ءُُ نند ءِ وھد ءَ مزن وزیر ءَ سالانہ دو نیمگی واپاری ھستیں حجم 30.469ملین ڈالر ءَ ایشی حقیقی زانتکاری ءِ گوں زیات کنگ ءِ سرا زور داتگ۔

مزن وزیر محمد نواز شریف ءَ گشتگ کہ سینیگال پاکستان ءِ پراڈکٹس ءِ ھواری ءَ پوست، کسانیں انجینئرنگ ءِ چیز ءَ پائدگ بہ زوریت، اائی ءَ گشتگ کہ اے سلسلہ ءَ وزیر واپاری ءِ سروکی ءَ یک واپاری ءُُ سرمایہ کاری ٹولہ سینیگال ءِ ترءُُ تاب کرت کنت۔ مزن وزیر ءَ گشتگ کہ پاکستان سینیگال ءَ یک پاکستانی بینک پچ کنگ ءِ ہم چار ءُُ تپاس گرگ ءَ انت آئی ءَ دوئیں ملک آنی نیام ءَ واپاری ءُُ سرمایہ کاری ءَ آسراتی بہ رسیت، آئی ءَ گوستگیں سال نیویارک ءَ اقوام متحدہ ءِ جنرل اسمبلی ءِ سیشن ءِ موہ ءَ سینیگال ءِ صدر مکی سال ءِ گوں وتی گند ءُُ نند آنی ھوالہ داتگ اودا دوئیں راھشون آں لہتیں شعبہ آں کمک ءَ زیات کنگ ءِ سرا تپاک کرتگ۔

مزن وزیر نواز شریف ءَ سال 2016-17ءِ ھاتر ءَ اقوام متحدہ ءِ سلامتی کونسل ءِ غیر آکبتی باسک جوڑ بوھگ ءِ سلسلہ ءَ سینیگال ءَ گچین کنگ ءِ سرا سینیگال ءِ صدر ءَ مبارکباتی داتگ ءُُ امیت درشان کرتگ کہ سینیگال اسلامی ملک آنی مفاد ءِ رکھگ ءُُ دیمروی ءِ ھاتر ءَ یک فعال کرد ادا کنت۔ آئیءَ سینیگال ءَ 2012ءَ لس گچینکاری ءَ پد جمہوریت ءَ یقینی جوڑ کنگ ءِ سرا سینیگال ءِ صدر ءِ ستا کرتگ ءُُ دمگی مسئلہ آنی ھل ءِ ھاتر ءَ آئی ءِ شریں کرد ءِ گپ کرتگ۔

مزن وزیر محمد نواز شریفءَ اسلام آباد ءَ سینیگال ءِ سفارتخانہ پچ کنگ ءِ سلسلہ ءَ سینیگال ءِ صدر ءِ پیسلہ ءِ خیر مقدم کرتگ ءُُ گشتگ کہ ایشی ءِ دوئیں ملک آنی نیام ءَ کمک دِگہ محکم بیت۔ دوئیں ملک آں دفاعی شعبہ ءُُ دفاعی خریداری ءَ کمک ءِ ہم چار ءُُ تپاس گپتگ۔