اسلام آباد(پاکستان نیوزپوائنٹ23جنوری2018ء) سپیکر قومی اسمبلی سردار ایاز صادق ءَ گوشت کہ چین ءِ دل ءَ مئے واستہ ٹوھیں جاھ ءِ است ءُُ دوئیں ھمساھگیں ملک آنی نیام ءَ بے دروریں دوستی است ایشی ءِ دگنیا ءَ اِچ ھمکچ نیست۔ آئی ءَ اے ھیالانی درشانی سئے شمبے ءِ روچ ءَ پارلیمنٹ گس ءَ پاکستان ءَ چین ءِ سفیر یاوجنگ ءَ گوں بوھوکیں وتی گند ءُُ نند ءَ تران کنان ءَ کت۔
سپیکر ءَ گوشت ون بیلٹ ون روڈ منصوبگ اے زمانگ ءِ دُرستاں چہ جوانتریں منصوبگ اِت ءُُ پاک ۔ چین اقتصادی راہداری اے منصوبگ ءِ یک ارزشتی ایں بھر اِت۔ آئی ءَ گوشت کہ پاکستان سی پیک ءِ توامیں منصوبگ آنی وھد ءُُ پاس ءِ سر ءَ سرجمی ءِ واستہ جزمیگ اِنت۔ آئی ءَ گوشت کہ دوئیں ملک آنی پارلیمنٹ ءِ باسک ءُُ سوداگر برات آنی نیام ءَ یکوئی ءَ را دیمروئی دیگ ءِ ضلورت ءِ سر ءَ زور پر دات۔ سپیکر ءَ گوشت کہ دوئیں ملک آنی نیام ءَ یکوئی یکجائیں جغرافیائی ،اقتصادی ،تاریخی ءُُ اسٹر ٹیجک نپ ءُُ سیت آنی سر ءَ انت ءُُ دوئیں دوستیں ملک ھمک سکیں ساھت ءَ یک ءِ دومیگ ءِ گوما ھمکوپگ ءَ اوشتاتگ اَنت۔
