اسلام آباد(پاکستان نیوزپوائنٹ23جنوری2018ء) مزن وزیر شاہد خاقان عباسی ءَ گشتگ کہ پاکستان مسلم لیگ(ن) ءِ یکیں حکومت اِنت کہ آئیءَ وتی پنچ سالی مدت ءِ تہا کرپشن ءِ ایچ بھتان ءِ دیمپانی نہ کتگ، حکومت سرجمءَ ساپء ُ سلہی ءِ گوما کار کنگءَ اِنت ، حکومت وتی مدتءَ سرجم کنتء ُ الیکشن وتی وھدءَ بیت۔ آئیءَ اے ھیالانی درشانی سئے شمبے ءِ روچءَ مزن وزیر کارگس ءَ صحافی آنی گوما گپء ُ تران کنانءَ کتگ۔
مزن وزیر ءَ گشتگ کہ اُلسءَ مسلم لیگ(ن) ءَ را تاں یکوئی جولائی ءَ حکومت کنگءِ مینڈیٹ داتگ۔ آئیءَ اے اوستءِ درشانی کتگ کہ حکومت وتی مدتءَ سرجم کنت ء ُ الیکشن وتی وھدءَ بیت۔ آئی ءَ گشتگ کہ حکومتءَ ایچ تُرس نیست ء ُ تاں یکم جولائی ءَ است بیت۔ آئیءَ گشتگ کہ مسلم لیگ(ن) ءَ مدام جیڑھ ء ُ جنجالانی دیمپانی کتگ اگاں کسی تہا اینچو ا واک ء ُ زکت اَست آھانی گورءَ مزن وزیرء ِ ھلاپءَ بے اوستیء ِ تحریک ءِ آپشن اَنت یا آ وت راجی اسمبلی ءَ ھلاس کنگءِ وت واجہیءَ دار اَنت۔
مزن وزیر شاہد خاقان عباسیءَ گشتگ کہ مہ اے سوبمندی ءِ گوما 2018ءِ لس گچین کاری ءَ رواں۔ آئیءَ اے گپءِ سرءَ اپسوزءِ درشانی کتگ کہ گوستءَ جنرل (ر) پرویز مشرف ء ُ آصف علی زرداری ءَ وتی دورءَ ملکءِ بنکی دیمروئی ءِ پڑآناں ڈلگ چار کتگ۔
