کراچی(پاکستان نیوزپوائنٹ19جنوری2018ء) پاک بحریہ ءِ لاجسٹکس کمانڈ ءِ دادءِ بھرء ُ بانگ ءِ سالانہ مراگش جمعہ ءِ روچءَ پاکستان نیوی ڈاکیارڈ ءَ بوتگ۔ چیف آف دی نیول اسٹاف ایڈمرل ظفر محمود عباسی ایشی ءِ ھاسیں مہمان بوتگ۔ دادءِ بھرء ُ بانگ ءِ مراگش ھمک سالءَ کنگ بیت کہ ایشی ءِ مول ء ُ مراد لاجسکٹس کمانڈ ءِ ردءَ کارکنوکیں یونٹس آنی مُچ کارء ُ کردءِ تپاسی کنگء ُ بازیں منصوبہ آنی سوبمندیں سرجمی ءَ آئیءِ کوشستاناں ساڑاھگ اِنت۔
پاک بحریہ ءَ چہ جاری بوتگیں جارءِ ردءَ مراگشءَ گوں تران کنانءَ چیف آف دی نیول اسٹاف ءَ پاک بحریہ ءِ لاجسٹس کمانڈ ءَ را وتی کسبی کاراناں جوانیءِ گوما کنگءَ ساڑاتگ۔ آئی ءَ گشتگ کہ لاجسٹکس کمانڈ ءِ اے بے مٹیں محنت ء ُ دلجمی ءِ اندازہ سال 2017ءِ تہا پاک بحریہ ءِ گراب ء ُ آپ چیری گرابانی وھدءِ سرءَ دست کپت ء ُ بازیں ملکی ء ُ درملکی بحری مشق آنی تہا وھدءِ سرءَ ھوار بوھگءَ جوانیءَ جنگ بیت۔
ایڈمرل طفر محمود عباسی ءَ گشتگ کہ وھدے کہ مہ دیگرءِ اُمیت ءَ چماں دار اَنت گڈا وت واکی ءِ جزبگ نیزور بنت۔ چیف آف نیول اسٹاف ءَ گیش گشتگ کہ یک جدید ء ُ مھکم بحریہ نہ تنا ماتیں وطن ءِ رکھینگءِ ھاترءَ المی اِنت کہ بلکیں دمگی امنء ُ ایمنی ء ُ مھکمیءِ ضمانت اِنت، پاکستان نیوی ءَ را یک جدید ء ُ ترندء ُ مھکمیں بحری قوت جوڈ کنگءِ ھاترءَ نیول فلیٹ ءِ تہا نوکیں گرابانی ھواری ء ُ آھاناں کارآمد کنگ ء ُ گیش جوان کنگءِ ھاترءَ تکنیکی صلاحیت ءِ ھاسل کنگ ءِ امیچو ارزشت اِنت امیچو کہ یک لائک ء ُ زانت کاریں ء ُ کسبی صلاحیت ءِ مردمی قوت المی اِنت۔
آئی ءَ گشتگ کہ تربیت زُرتگیں ء ُ مردمی قوت ءِ کہواس مئے راجی اثاثہ اَنت ء ُ مارا آھانی سرءَ پھر اِنت۔ ایڈمرل ظفر محمود عباسی ءَ اے گپء ِسرءَ زور پِرداتگ کہ اسلام ءِ دراپشوکیں راھبنداناں وتی جندءِ سرءَ کسبی زندءِ سرءَ کارمرز کنانءَ مہ پاک بحریہ ءَ را قابلیت، زانت کاری ء ُ جنگی تیاری ءِ بُرزادی ءَ سر کن اَنت۔ ایشی ءَ چہ پیسر وتی وش اَتکی خطبہ ءِ تہا کمانڈ لاجسٹکس ریئر ایڈمرل ساجد وزیرخان ءَ سال 2017ءِ تہا لاجسٹکس کمانڈ ءِ کارء ُ کردءِ کسان وھدیں ندارگ پیش کتگ۔ ایشی ءَ پد ھاسیں مہمان ء َ گوستگیں سال ءِ تہا گہتریں کارء ُ کرد پیلو کنگ یونٹس آنی تہا داد بھر ء ُ بانگ کتگ۔
