اسلام آباد(پاکستان نیوزپوائنٹ18جنوری2018ء) وزیر ءِ مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ پیسریگیں مزن وزیر محمد نواز شریف، سروزیر پنجاپ محمد شہباز شریف ءِ کرد ءَ چہ شکست وروک آنی جاک ءَ را مرچی سرجمیں راج ءَ رد کتگ، سیاسی کزنز آناں چیلنج اِنت آواں وتی وتی صوبگ ءَ گوستگیں چار سال ءُُ نیم ءِ ساھت ءَ ھِچ منصوبگ سرجم نہ کتگ ، اگاں کتگ گڈا راج ءِ دیم ءَ سہرا بکن اَنت۔
نوں میچ فکسنگ نہ چلیت، 2018ءَ پاکستان ءِ الس ھر کس ءَ ووٹ دنت ھما سروکی ءَ کئیت۔ مارچ ءَ سینیٹ ءِ گچین کاری ءُُ لس گچین کاری وتی وھد ءُُ پاس ءِ سرءَ بنت، سیاسی ناکوزتک آنی ھور ءُُ توری ملکی دیمروئیءُُُ الس ءِ ازمت ءِ ھلاپ ءَ بوھگ ءَ انت، ھما ساپ ءُُ سلہ ئی ءَ دو سال ءَ پد کنٹینر سینگار کنگ بیت ھمے جوزگ ءِ گوما سیاسی ناکو زتک الس ءِ ازمت ءَ بکت اِنت باز جوان اَت۔
مرچی ءَ چہ پیسر اِچ حکومت ءَ اے وڑ کت نہ کتگ، گچین بوتگیں حکومت ءِ ھلاپ ءَ جاک ءُُ کوکار کنگ ، کانودی ادارگ آناں نوٹس زورگ لوٹ ایت، پارلیمنٹ، پی ٹی وی ءُُ مزن وزیر کارگس ءِ سرءَ ارش کنوک آناں سزا بہ رسیت، گچین کاری ءَ چہ ایوک ءَ 4ماہ پیسر یک دگہ کنٹینر ءِ تیاری جستی چیدگ اِنت، محمد نواز شریف ءِ نامداری ءِ ترس ءَ چہ مرچی کنٹینر سینگارگ بوتگ۔ آ چار شمبے ءَ میڈیا ءُُ یک جندی ٹی وی چینل ءِ ءَ گوں تران کنان اَت۔
